start 搜尋‥‥過大禮‥‥

在遊記中間插一個post 先~

11月2日號係師傅擇俾我地過大禮既日子
當天係星期五
UM‥‥我同b都唯有請假‥‥
好日子好時辰係最重要。

對於過大禮要d乜
我媽媽並沒有什麼要求
只叫我們自己看著辦
我給了一個別人過大禮的check list給她看
她很貼心的說都可以
沒有要求什麼
很感動‥‥!!!


當然
我們都會盡力辦到最好~~

我同b經過一番討論research
最後達到共識
首先係阿b要問b媽想自己攪定我地攪
如果係我地負責
咁海味我地會請b媽同我地一齊買
(因為唔識揀‥‥)
生果我地就自己訂
酒因為雙方家長都唔飲所以會以利是代替
但係傳統既野例如椰子、上頭用品、嫁女餅、大發榚等等都會照訂
至於係邊度買呢d傳統野就成為我地爭論既地方!!!


其實好多人都會上深圳買
因為價格真係平好多
院友上去個日我都好想上架
但因為要帶學校function
所以我就放棄了

阿b不嬲唔鍾意特登上大陸買野
佢覺得車費時間都係度
所以佢想在香港訂
佢上網睇左一陣
就話要在easy wedding訂
我叫阿b睇多陣先
因為我唔想求其揀

總之再攪左一輪之後
佢終於都發現到油麻地九記!!!

(其實我一直都知道九記出名
但我都係想阿b搵‥‥
同埋最重要想由佢approve!!)

於是我地琴日就出左油麻地去搵九記英姐
雖然係搵到英姐
亦決定左係搵佢架喇
不過我地只係拎左價錢
因為我地都想問埋b媽先~~
佢approve我地先訂!!!


雖然價錢一定係比自己買貴
但我地都係怕麻煩的人
而且九記咁出名
亦都好多人讚
我地都比較有信心~~

總算叫決定左一樣大事!!!!


為左呢樣野
我同b都嘈左陣架
不過最終都圓滿解決到
咁就無浪費大家既心機啦!!!!!!!!



附上在網站找到的checklist~
供大家參考!!
http://weddingchinese.info/05.html 

「過文定」舉行後，就會舉行「過大禮」的儀式，這是訂婚的最隆重，也是最重要的儀式；因為這儀式過後就等如正式定立了婚約。跟「過文定」一樣，男家會選擇一個吉日，帶同聘金和各種禮品到女家；而女家亦會準備回禮禮品。以下就是男女家隻方的禮品： 

男家禮品 

以下的禮品皆是均雙數以取其「好是成雙」之意。

聘金﹕這表示著男方承認和感謝女方家長對女兒的養育之恩。 
聘餅﹕一擔 (五十公斤) 
海味﹕分四式，六式或八式，款式與數量視男家的經濟狀況而定。 每款通常分兩包。其中髮菜是必須的，以取其發財之意，而其他的海味有鮑魚、蠔豉、元貝、冬菇、蝦米、魷魚、海參、魚翅和魚肚等。 
三牲﹕兩對雞，兩雄兩雌 (如父母不全﹐ 這則一對已足夠)﹔豬肉三至五斤起雙飛 (喜隻飛)，即一片相連開二，以表示豐碩誠懇的敬意。 
魚：大魚或鯪魚；意即腥(聲)氣；也表示有頭有尾年年有餘。 
椰子：兩對 (父母不全可用一對)，即有爺 (椰) 有子的意思。 
酒：四支，表示愛情濃郁。 
四京果：即龍眼乾、荔枝乾、合桃乾和連殼花生，以祝福子孫興旺，亦含圓滿多福，生生不息之意。 
生果：即生生猛猛的意思 
四色糖：即冰糖、桔餅、冬瓜糖和金茦，表示象甜密，白頭到老的意思。 
茶葉、芝麻：因為種植茶葉必須用種子、故以茶葉作禮品，暗喻女子一經締結婚約，便要守信不渝，絕無後悔，亦即「油麻茶禮」。 
帖盒(禮金盒)：內有蓮子、百合、青縷、扁柏、檳椰兩對、芝麻、紅豆、綠豆、紅棗、合桃乾、龍眼乾，還有紅豆繩、利是、聘金、飾金、龍鳳燭和一幅對聯 
香炮鐲金：香 (無骨透腳青)，炮 (大鞭炮和大火炮)，鐲 (龍鳳成對喜鐲)。 
斗二米：男方準備十二斤糯米、三斤二兩砂糖，這是給女家做湯圓的，以取其圓滿，甜蜜美滿之意。 


女家的禮品 

男家禮物的一半或若干 
茶葉 
生果 
蓮藕、芋頭和石榴 (各一對) 
賀維巾 
長褲：意即長命富貴 
鞋 (一對)：意即同偕 (鞋) 到老 
扁柏、薑、茶煎堆、鬆糕 
回聘金 
檳椰 (受一個，餘數則全回給男家)：意即一郎到尾