婚前旅行~8/8~13/8 我們的美麗澎湖(day4)

8月11日

8:15大家都執好行李
準備食早餐同坐船去番望安再搭去七美
因為琴晚好早訓
所以大家今日都好精神!!!!

不過出發前我地都有點擔心
因為將軍既人同我地講今日七美個邊有季候風
太大浪
架船可能唔去七美!!!

我地都有點不知所措
七美係我地既重點
係我地最最最期待既地方
但我地經歷過上次坐船之後
都明白如果係大浪到去唔到
咁就真係超級大浪‥‥
係真係會好危險‥

但點都好
我地都要試一試
我地坐昇慶滿過番望安
去碼頭等買飛
因為一日得一班船既關係
個職員係會差唔多時間先會出現‥‥

在這等候期間(又帶點不安‥‥)
我地唯有食下雪條開心下!!!!

澎湖特產~~~~仙人掌冰!!!!!!!!!!!!!!!!!

未食前係完全估唔到佢竟然係紅色既‥‥
而且味道竟然係山楂味!!!!!!!!!!!!!
都幾好味!!!!!!!!!!

等到差唔多九點半
負責賣飛既伯伯出現喇!!
我地飛奔去問佢今日架船去唔去七美
有無飛賣!!!

答案係有既!!!!!!!!!!!!!!!!!!!!!!!!!!!!!
YEAHYEAH!!!
我地超開心!!即刻買飛準備上船!!!!!!

坐左一個鐘船終於去到七美!!
(感覺比第一天坐船好啊!!唔係真係咁拋!!)

我地即刻去民宿CHECK IN先!!!!
我地住在德奇民宿!!!
基本上德奇又係獨市咁滯
成個島周圍都都見到德奇租車呀咁樣!!

德奇呢間民者有D似賓館
都幾乾淨既!!!
我地個房係向海架!!!!!!!

SETTLE DOWN左之後因為要趕潮退時間
所以立即去family mart 買麵包當LUNCH然後駕車直達著名景點~~~雙心石滬!!!!!!!!!!!!!!!!!!!!!!
 

不過影左一陣相就落左場大雨
我地即刻改去左食野~~~方子肉粽!!!!!!!!!!!

七美係一個好細既島
基本上一日係可以玩晒
所以好多本地人都會係即日來回
如是者當我地越玩越晏時
成個七美好似淨係得我地玩咁!!
我地好似包島玩
駕車時見到邊度沿途風景靚想落去影相就停低架車
玩完一輪先再去下一站
感覺超正!!!!!!



亦因為始終係小島
所以天氣變化比較大
中途落左兩陣大雨
但過左之後既天色就靚到暈!!!!!!!!!!!!!!!!!

我地食完野又番番去雙心石滬玩左好耐!!!
之前上網睇到D相已經覺得呢個景點好靚
但親身睇到時仍然覺得好震撼!!!!!!!!!!!!!

我地越行越落!!!

 

我地影左好多好多靚相!!!!!!!!!!!!!!!
但始終因為潮退關係
D石都幾滑
大家又著拖鞋
所以無行到出去個心中央!!!
但點都好
已經好開心!!!!!!!!!!!!!!!!!!!!

由雙心石滬行番上去時影既!!
 

上到盡頭既草地!!!!!!!!!!!!!!!!!
後面就係藍藍的天同大海!!!!!
 

成個七美都係被草地大海包圍住
唔少得既仲有數以千計通山走既黑羊!!!!!!

以及雞雞!!!!!!!!

我地多數見到既都係公雞
而呢隻直情似鬥雞
個樣勁兇!!
大家望下隻爪!!!!!
我地都只敢同佢影相唔敢同佢玩!!!!

點解話唔敢同佢玩﹖
係因為我地沿途見到D羊群同雞群既時候
都會作狀衝過去追下佢地!!!
特別係阿B
超低能
追到D雞飛起晒!!!
好好笑!!!!!!!!

我地呢一日基本上係遊左2/3個島
(打算明天早上遊埋個1/3)
沿途處處都係靚到爆既風景~~

 

呢度其實係半山
後面係極斜既山路
但因為有同伴畏高
(佢已經好厲害!!大住膽同我地行到落黎!!)
加上落微微雨
安全計都係去一半算啦!!!
張相影得好開心!!!!!!

行番上去了!!!!

 

我地係呢度玩左好耐
因為真係好靚!!
大家睇下後面D雲!!!!!!!!!!!!!!!!
係當時360度包圍我地既都係呢片景色!!!!!!!!!
真係好好好靚架!!!!!!!!!!
當然
大家可以ignore前面4位!!!
但我循例介紹下前面4位其實係扮緊BEYOND d 遠房親戚 「beside」影緊cd封面‥‥

女子組輸晒‥‥
 
無敵大海景!!!!

因為其實地勢好高
我跳起身d風勁大咁吹埋黎
我真係覺得自己個刻似風箏咁飛起左呀!!!

呢張「雷乳羊」真係好靚啊!!!!!!!!!!!!!!!!!!

仲有呢張公路相
我超鍾意!!!
THANKS KASHI!!!

 
玩到五點到
我地就駕車向西行去睇日落!!!!

 

沿途見到呢個火龍果養殖場!!!
(有點點遺憾無試過呢度既特產火龍果!!!)

KASHI 為我們拍的!!!
靚到呢‥‥

 

美麗的黃昏~~~~

少不了又係一堆好笑相!!!

呢張相係一系列架
由最初只得kevin
之後逐個加入去
但係same pose!!!
之後仲有d係要轉前面既人既動作
同轉後面既人既動作添!!!
企小白前後既細路女同onkei真係好慘!!!!!
  
幕後花絮!!!!!
 

海徬小徑
很多人在此踩單車!!!

 

我們長長的倒影~~~~~~~~

睇完日落
我地就去左食越南大骨湯麵!!!!

門口勁colourful勁吸引!!!!!!!!!!!!
所有木製佈置都係老闆親手畫同整既
包括下面架風車!!!!!!!

而佢地除左係食肆
仲有租單車同修理單車服務!!!!!
(後來才知道係因為老闆年輕時很喜歡踏單車‥‥)

佢地既風車標誌!!!!!!!!

 

野食好味!!!特別係小食!!!(相要後補!!)
值得一提既係我地食完野之後係同老闆傾左個幾鐘!!!!!!!
一切話題由看星星開始‥‥
其實中間呢位穿藍衫的叔叔
不要看他樣子淳樸
以為他只懂煮東西吃
實際上他真是一位大師傅!!!!!!!!!!!!!
在鋪頭內我們早已看見很多很漂亮的照片
也看到很多大大少少不同的獎盃
後來才發現原來老闆是一位獲獎無數的攝影師!!!!!!!!!!!
他拿出很多自己拍攝的作品跟我們分享
照片真的美得大家連聲讚嘆
佩服不已!!!
因為我們的團友全部都係攝影發燒友
所以老闆好像他鄉遇故知
不斷討論拍照技巧
談得不亦樂乎!!!!!!!!!!!!!!!!

談到他的太太連聲催他吃飯他也不理會
我們深怕離開後大師會被太太怒罵呢!!!!

這張是由大師的10歲兒子出手的!!

 

大師當然忍唔住
搶左個仔部機黎幫我們影相
(其實我地係想同佢影相!!!)
佢話咁樣先影到佢間鋪頭靚D呀!!!!!!!!

食飽又傾過計相又影完
我地就番民宿梳洗休息同寫明信片
明天要趁上船前把握機會去埋未到訪過既七美景點!!!!!!!!!!!!!!!