第一次雙方家長見面加造兩位爸爸西裝(一)!!

拖左一年又一年既項目終於都黎喇!!

講出黎都有D慚愧

我同B雖然拍左十四年幾拖

但今日先係我地雙方爸媽第一次見面既日子‥‥

唔駛講

我地知係我地錯!!

(雖然我地其實覺得遲見面又無咩壞處!!)


我地約左去稻香飲茶

當然係我地去搵位啦

搵位前我同B仲嘈左幾句

不過一見到雙方父母就變成戲子

即刻無野

之後過左成日就唔記得左我地之前嘈過‥‥

算佢好彩!!!!!

見面過程都好順利!!

傾下中醫、養生、我地細個、住屋‥‥

乜野都有講

淨係無講結婚野!!!!

因為我地都有共識一切唔駛急

好多野我地可以私下傾左先唔駛當面講

咁樣應該會順利D無咁多波折!!!


飲完茶就到今日第二重點節目

就係同兩位爸爸去造西裝!!!!

中環祥興大埔摩登都係眾準新娘子所推介既

但要我兩位爸爸舟車勞頓去咁遠既地方造西裝

仲要唔係一次可以KO我就唔係咁想!!

所以經SASA介紹再加精明BEL 比較過後

我地帶左兩位爸爸去左元朗彩虹到造西裝!!!!


前幾日我已經打定電話去問佢今日開唔開

蔡太覆我兩點後方便因為師傅食完飯OK~!!

我地去到時兩點三到得師傅即係老細即係蔡生係度!!!

蔡生好NICE

為我地講解不同布料CUTTING既分別

因為我一早睇左精明BEL 既BLOG

所以清楚知道布料分三個GRADE

雖然係咁

但蔡生一D都唔HARD  SELL

唔會要我地揀最貴既布

佢最初介紹俾爸爸既都係B布

不過因為B爸之前做布廠

對布料熟悉同埋都有要求

覺得貴D既A布的而且確係比B布滑

所以叫埋我爸爸一齊揀A布

哈!!差幾百蚊我地又有咩所謂呢

蔡生都話無所謂!!

所以即時又再在A布到揀一款俾爸爸

我地都幾鍾意

所以就剪左布板番去!!!

點解剪布板﹖

因為今次可以唔駛CONFIRM布住

可以剪布板番去考慮下先

下次試身時先再CONFIRM!!

B爸剪左兩款

我爸就好乖咁聽蔡生選擇

都唔會轉架喇!!!!!

初步揀完布

就度身

今次淨係度上身

咁蔡生下次就會用另一隻布做個布殼出黎俾佢地試

試左布殼FIT身後先會再用我地揀既布造衫

咁就萬無一失啦!!!!

對於呢點

BEL同我都好滿意!!!!!

而因為BEL既關係

我地訂造埋恤衫

蔡生送兩條TIE俾我地添!!!!!!!!

成個過程我地都覺得好OK

蔡生蔡太都好好

我地都好滿意個服務!!!!

最後我地每套西裝+恤衫+TIE =$1500

用靚布做西裝我地覺得價錢都公道丫!!

最重要兩位爸爸都滿意!!!!


後記：

1、7/8 至17/8 鋪頭會裝修
我地會20號打後再去試身!!
(佢逢星期二放假)

2、第二次試身時著長褲比較好
蔡生話著長褲度身會比較準確

3、落訂要俾CASH!!
多謝BEL提醒!!
我地每套落左$700訂

4、其實彩虹鋪頭好細
門面唔係真係好光鮮
但至少見到造出黎既西裝係靚既
以及蔡生服務好
所以值得推薦!!!!!!

5、再一次多謝BEL既介紹
無阿BEL推薦我唔會唔去比較就選擇
令我節省好多心力同時間
MILLION THANKS!!!!!!!!!!

6、補番彩虹地址：
元朗安寧路158號C 家計會對面
(西鐵朗屏站B2出口)
電話：24782476