婚前旅行~8/8~13/8 我們的美麗澎湖(前傳)

講左成半年
我地星期三終於出發去澎湖喇!!

我好想打呢個出發前傳
係因為呢個旅行我真係好期待!!!!


第一、我地一行七人
除左kevin之外其他4位都係我地既兄弟姊妹
我地第一次一齊去旅行!!!!
其實正確d黎講
佢地全部都係阿b d好朋友黎架!!
我只係識左佢地年幾!!
但我已經覺得佢地係我地既共同朋友了!!
所以我好興奮啊!!!!!!!!!!


第二、成個行程基本上係阿b同kashi兩個人plan晒
阿b每晚放左工都搵資料搵好耐
要決定所有民宿、交通、行程!!
阿B send出黎俾大家既rundown schedule有勁多reference
每一日每一時段活動同膳食都有幾個choice揀
仲要係按左佢既推薦排好次序!!!!!!
好厲害!!!!!!!!!!!!!!

我都好佩服阿b
亦因為阿b咁盡心盡力
即使我係有份去都好
我都不掩飾我對佢既埋怨：
又唔見你攪結婚野咁全情投入﹖﹖!!!!哼!!


聰明既阿b當然即刻話：
「因為有你份去我先咁落力咋‥‥﹗」

哼!!你信唔信﹖﹖

第三、如果呢次旅行順利又開心
我地呢個組合應該會keep住陸續有來!!!!
本來去年講話想出年一齊去西藏
但因為kashi同細路女出年會去澳洲working holiday一年!!
所以我地可能改去澳洲!!
可以去tasmania呀!!!!!!!!!!!!!!!!!!!!
細路女同小白都有國際牌
正呀!!

就算唔去澳洲
出年4月應該都同佢地去歐洲
哈哈
佢地話去荷蘭踩單車!!
我無異議!!!!我都覺得開心!!!

第四、正正因為出年4月同佢地去旅行
我既honeymoon只得番今年12月同出年新年假兩個機會去!!
第一個結婚既新年
我唔敢走左去唔派利是!!!!
所以阿b話等呢個trip完左之後
就會做馬爾代夫既research!!!
佢都贊成今年年尾去!!!

我地仲睇左假
只要佢請3日就可以連放8日!!!!
好開心!!!!!!!!!!!!!!!!!!!!!!!!

第五、呢個trip係我冒死去咁滯!!
點解咁講﹖
因為澎湖既太陽係出左名毒架!!
我係務住婚前變燒豬既危險去架!!!
所以我出發前買左好多防曬用品
防曬頭巾呀手袖呀110度既防曬呀等等‥‥!!
開頭仲怕去一次旅行買咁多野浪費
點知而家12月就去馬代
咁就可以到時再用唔會浪費了!!!!!!!
yeah!!!!

宇宙人都係我地特登買去架!!!!
我地三個女孩子一人一隻!!
阿b話佢可能需要一個機位!!

我唔理喇!!
揀公仔時問佢要大定細
佢自己揀大架!!佢都要負責任架!!!!!!

最後、呢個旅行我係衷心期待左幾個月
因為今年壓力一點都不少
其實好多野都怕做得唔夠好
唔單止係講結婚
仲有d細路考dse
真係好忙‥‥

所以 如果無呢個旅行我今年唔會捱得住!!
我係真係堅要relax!!!!!!!!!!

望住咁colourful既行李
我真係特別興奮
雖然番到黎之後就係排山倒海既工作
但我唔理喇!!!!!!!
我決定忘記一切
盡情享受!!!

希望呢6日我地日日都可以keep住有好天氣好健康同好心情去玩啦!!!!!

yeah!!!!gogogo!!!!!!!!!!!