last single 情人節~(上)

今天是情人節
同b度過的第十五個情人節
亦都係最後一個單身情人節~
感覺很特別!!!!

所以想總結下咁多年過情人節既點滴!!


自從有左屋企之後
我都唔想再出街迫
選擇自己煮~~~~~~~~~~~~~~!!
阿B負責整沙律
同開蠔(佢今次order左每人八隻!!)
我就負責整三文魚龍脷柳卷
白汁蘑菇蛋包海鮮意粉
同埋法式焦糖燉蛋!!!!!!
全部都未整過~~
希望成功~~~~~~~~~~~~~~~~!!!!


讀中學時仲未有錢食貴野
所以個陣仍然要在街等位(實不相瞞我真係好怕為食而等位‥‥)
但自從阿B出黎做野之後
每逢大時大節佢都會早兩三星期研究下食乜同BOOK定位
而我都因為咁養成左乜都早D book位既習慣

咁多年情人節食過好多好多西餐
好多日本野
其實我對餐廳冇咩印象
反而地點就有!!
因為set dinner點會好食
都係食個氣氛only!!!!!


我愛中菜~~
所以有一年阿b真係好正咁滿足左我既慾望
就係去左尖咀間 「樓上樓」打左個千二蚊既超貴邊爐
勁豪!!!!!!
但d海鮮同牛肉粒真係好好好正
一世人真係只此一次~~~~~~~~!!!

至於花
哈哈
我在第十二個情人節時收過一札靚靚鬱金香
點解咁記得係第十二年
係因為個次係第一次
而阿b話十二年先送一次!!!!

而且個次係b book左soho區一間法國餐廳食lunch
之後同我講去廁所
去左半個鐘都未番
我搵侍應又唔係
自己入去又唔係
打電話又冇人聽
我真心以為佢暈左係廁所!!!

之後見到佢拎紮花氣來氣喘咁入黎
哈哈!!!!
那一刻真係好感動架~~~
等左12年喎!!!!!!!
就算紮花唔係咁樣出場都感動啦!!!


其實之後我就叫左佢唔好再買喇~~
有固然高興啦
我唔會拒絕架
但其實有過已經很高興!!


因為我都認同阿b所講
成日送就唔矜貴喇=~~~~~~~



阿b好得意
佢唔鍾意人地估到
我試過細個時講明鍾意d咩佢就堅唔買
佢話咁樣冇意思
我當時雖然有d唔開心
但都好欣賞
所以之後就慣左玩心理戰
千祈唔可以露口風我想要乜
唔係就要自己送俾自己!!!


過左好多年好浪費金錢(但都感謝b既精心安排)既情人節後
因為要買樓供樓了
變得相對地慳
唔出街食係其一
唔送貴禮物係其二


今年要結婚
就更加要慳啦
所以我地已經係第三年在家煮喇~~~~~~~~~~~~~~~~~


兩口子在家玩煮飯仔
其實都幾開心丫
我都係呢d大時大節先下廚架喇~~

希望今晚成功啦!!!!!!