姊妹裙(一)

我開始諗姊妹裙了!!!
我有8位姊妹
問過幾位姊妹關於姊妹裙既意見
佢地都話我鍾意就得~~

於是我就先選擇了長裙
基本上係一開始就決定了長裙
因為bigday係12月
點都會凍
長裙可以方便佢地打底等佢地暖d
而且影相又高貴d!!!!

至於款式同顏色就未決定~~
租定造都未決定

今日淨係上網搵左d款式睇下先!!!!

件件價錢都係四位數字
所以望落去件件都好靚!!!
(姊妹們~
雖然我無錢買呢d咁靚既裙
但我都會盡力給你們最好!!!)


短裙個兩件係覺得顏色幾靚可以參考
至於長裙就好多款都鍾意
當然都要問姊妹意見
我prefer有帶款
淨tube dress對佢地黎講會冇咁有安全感
而且我已單方面否決斜膊款!!!太蝦人著!!

我都幾獨裁係咪﹖

不過得我知哂8個姊妹身型
我要以全部姊妹利益為依歸!!!
所以
姊妹們
請相信我係為大家好~~~!!!

睇下相先!!!

 

 

 

上面d裙好靚我自己都想著!!
不過有d款雖然靚但未必適合所有姊妹
而我個人係唔prefer有d花花係條裙到
所以我其實係想揀雙粗帶款
即係呢隻~




以上雙粗帶係心型胸款
下面就係一字胸款!!

我個人prefer一字胸款~~
但會問埋姊妹!!!!

呢件綠色我好鍾意架!!
可惜我個theme colour唔係綠色!!!

我prefer白色或淺粉藍
但淺粉藍真係要靚到我心目中個種我先會揀
如果唔係會好核突

其實上面有隻cream既顏色我都幾鍾意
因為我d姊妹都白
不過都要問佢地先~~~

其他顏色如淺灰、真正tiffany blue、灰藍‥‥等等都有姊妹suggest過

我打算去到間鋪頭睇下布先!!

因為我知道就算我地想像得幾靚都好
如果間鋪係造唔到都係無用!!!!!!!!!!!



而家我格緊價呀
有兩間鋪資料
一間造一間租!!!
造同租差唔夠一百蚊
加埋我未諗到披肩/毛毛問題‥‥


唉唉

我想俾最好既姊妹
所以

好煩惱呀‥‥

煩惱過自己揀衫!!!!!!