團購2012年曆收貨!!!

一月時好似用左$68團購左2012年曆!!
今日收貨喇!!

其實屋企一直有一個木既萬年曆
不過2012對我而言有點特別
加上又平
就整左一個喇!!!!!

由於知道呢個團購時已係1月中
根住整時又出左D問題
自己又忙
聯絡公司個邊又浪費左D時間
又近過年
所以要今日先收到

蝕左個一月!!

不過算啦!!!
個成品雖然紙質一般
比較粗粒
但D相so far 出黎效果都幾好~~所以都開心!!


佢每個月份可以有2個版面放不同相架~~
個個月睇悶左就轉~~幾好!!
揀幾張同大家share下!!!

後記：
琴日收貨係阿b收
仲要係番工時管理員俾佢既
於是佢就袋左成日直到夜晚去佢媽媽到食飯
唔知點解佢媽媽突然問我係咪有相睇
我都好驚訝
我話冇相
不過咁岩有個年曆
問佢睇唔睇
於是佢地兩老就好心急咁戴埋老花眼鏡逐版睇
哈哈!!
佢地睇得好興奮
b媽一睇就讚我靚
我話：「下？多謝!!化左妝梗係靚!!」
之後就話我少化妝佢個女多化妝落左妝唔好睇之類‥
(註：b姐係真正靚女~)
又不斷讚影得好好(其實我覺得呢d野係老人家睇到都讚好!!!)
之後uncle仲令我好笑(其實係想喊)
uncle係一個好正直好正經既人黎
佢睇左兩張已經話：「唔戴眼鏡差好遠﹗」
仲要講左兩次!!!

我真係哭笑不得
我同b講我唔開心(當然係講下!!)
阿b仲夠膽同我講話擺明平日係我懶
叫我檢討下!!!!!!!!
簡直自尋死路!!!!!!!!!!


睇完之後仲好笑
第一樣就係b媽知道我地用大樹做油畫後就發表「多數人用大頭相」既意見
當然我地係唔會理!!
亦都真係可以唔理!!B媽係唔會介意既!!
呢個就係我地可以咁自由攪婚禮既原因!!!
佢地好尊重我地意願!!!!

另外超好笑就係佢想要一個我地呢個相架!!!!!!
俾阿b狂ban
話做乜鬼用我地d相既年曆而唔係佢地自己兩公婆既!!!
哈哈哈哈
佢阿媽仲堅持話幾十蚊做咩唔肯整俾佢
兩母子在爭持
笑死我!!!!!!

其實講黎講去
係阿b好怕佢阿媽拎住我地既相周圍俾人睇
所以reject佢媽


不過
b媽都係因為替我地高興自己又高興先會咁
所以我決定違背阿b意思
偷偷整一個俾佢阿媽!!!!!!

哈哈哈!!!!!