我的褂鞋~!!

講到褂鞋
我知道而家好多新娘子都會揀紅色高跟鞋或CONVERSE代替
我覺得都不錯
只係我覺得一生人一次
既然選擇了穿傳統褂
我就想著番傳統褂鞋出嫁!!!!


本來對呢樣野冇乜概念
淨係覺得對對都紅色有龍鳳or有d花
總之就係對對都差唔多咁既感覺
不過真係多謝blogger dodofamily既分享
讓我知道原來在香港會有這麼漂亮的褂鞋!!!!!!


我係衷心覺得以下呢對褂鞋好靚!!!!!!!!!!!!!!



我租冠南華件褂后既時候
侯小姐同我講叫我唔駛著傳統紅色既褂鞋
可以著金色又或者高跟鞋
總之唔好露腳趾就得!!!

我當時仲諗
乜有金色褂鞋架咩﹖
我套褂襯金色咩﹖

點知見到先達呢對之後
我就不斷說服自己我件褂襯金色我件褂襯金色!!!
因為我真係覺得好靚啊!!

我從fb知道呢對鞋係個客人度身訂造既
心諗點都要3-4百蚊(而我就算估呢個價錢同埋明知只係著一次但其實我都已經打算買‥‥)
點知俾我知道呢對人手製作度身訂造既褂鞋竟然賣不足兩百蚊
真係唔駛考慮立即決定左要佢呀!!!!!!!


今日同阿b各自番完半日工之後就出左佐敦落訂去!!!!!

我特登拎埋件褂既相俾老細睇
問呢對金色襯唔襯我件褂
佢話我d褂都多金銀線所以冇問題
如果係多紅色既褂就唔好喇
揀番紅色好d!!!


yeah!!
加上我都係一心一意買呢對
亦都冇打算再買紅色
所以不用十分鐘就即刻落訂!!

以下係紅色版本!!
龍鳳刺繡冇咁出~~
各有各靚!!!

紅色牡丹款~~

金色花花款~~

仲有都好受歡迎令我有一刻猶豫既金魚款!!!!!

彩色金魚!!!!!

中間對金色金魚就係我第二心水喇!!
老闆唔知點解好想sell我呢對金魚
話同我寫左單係龍鳳個對先
不過到時金色個對金魚番黎就俾埋我睇
我到時轉都得!!!!!!!


其實我覺得金魚真係好可愛好得意
不過我都係鍾意龍鳳多d
阿b亦贊成
佢話因為我件褂係繡龍鳳咁傳統
對鞋都應該傳統d

佢覺得金魚係得意
但應該襯潮褂!!!

我贊成架~~
所以我基本上都冇猶豫
相信下次去就會好順利咁帶我對金色龍鳳褂鞋走!!!!!!