試衫~~

今日屋企變左衣帽間!!
因為我同B拎哂prewedding d衫出黎試!!

我同b要plan下佢邊套衫襯我邊條裙
我地又要plan下我地邊件衫影咩景
我仲要襯下我邊條裙戴哂飾物!!!!
玩左三個鐘!!

好彩有玩咋!!
因為都發現左d問題
不過最後先講!!!

我d衫好普通架咋
d裙絕對唔會好似大家去台灣呀法國婚紗個d咁華麗!!!
第一係我自己喜好啦
第二係地方問題
始終去峇里要攀山涉水我都要以輕便為主~~~(仲要騎駱駝!!!)
而且我由始至終都係對峇里個景有期望~~(對自己就冇!!!)
對d衫更冇!!

不過點知頭先試哂full set又幾滿意喎~~
d衫都好fit身~~襯到自己買既首飾~~
冇化妝下戴左con梳左all back都唔算太樣衰!!!
簡簡單單做番自己都幾好
咁先開始對自己有d期望!!哈哈!!
希望d相影得靚啦!!!!

註：要特別讚下阿b靚仔!!!嘩哈哈!!!
事緣係阿b hold左衫後有d後悔
其實都係我衰既
唔知點解我一直都麻麻地白色禮服
而且阿b個樣好細個
所以我覺得佢著銀灰同黑色係最好
但個次佢試黑色時我換緊裙冇睇到
佢就覺得自己著黑色似waiter所以冇揀
揀左白色同銀灰
點知事後原來佢一直怕著白色唔夠好睇
直到琴日final fit都係咁諗!!!
不過今日試full set gel埋頭著埋鞋感覺好好多喇~~
佢都唔再抗拒!!而我都覺得ok!!!!!
(開頭夠膽死話唔帶白色去剩著便服同銀灰個套!!)

第一套：白色錫死兔!!!
都幾好睇丫~~~

第二套：銀灰~想不到白鞋都幾好睇!!!!
阿b之後換左對灰色皮鞋
我見到後直情覺得佢老左十年!!!所以banned!!!!

註：其實兩套都有bow tie提供~~
不過我同b都一致覺得長tie襯阿b多d~~
成熟d!!!!

到我喇~~~

兩套婚紗一條晚裝
第一條：輕紗冇拖尾
簡簡單單感覺都算飄逸
應該都幾適合峇里!!

第二條：就係佢地一齊揀一致好評既一條!!
包括nicole都咁講!!!
我自己都有D意外
可能因為條裙偏ELEGANT佢地覺得襯我個樣啩!!!
我想講其實佢唔係我揀架
係阿b揀
我揭相簿時都冇為意佢!!!!
同埋原來我之前試衫真係好求其
因為我今日先sense到呢條wg係幾sexy(雖然我冇野好俾人睇!!)
除左側邊開得好落外
(張相好似影得一邊開得高一邊低
其實兩邊都咁低!!
除左正面睇唔覺之外!!)
後面仲係大大露背!!!!!
好彩nicole幫我fit得好好
完全唔會走光
同埋好彩自己之前冇懶
個背脊都見得下人!!!!!

最後一條：紅色晚裝
有兩種著法
最後揀左掛頸!!
多謝sharon借對紅色veniila suite open toe俾我
等我唔駛買鞋!!!!
事關紅色真係唔係我既favourite
買對紅色高跟鞋番黎真係浪費架咋!!!!!

本來一心諗住淘一條深黃一條淺紫番黎
睇下邊條ok帶埋去
等成個感覺colourful d~(雖然我有條藍色花花裙)
點知個間死人野而家話星期二晚先有(最快!!)
除非佢做到100%準確我唔駛改
否則我都應該放棄佢地(我星期四朝飛喇!!!!)
唯有留番10月影個輯先著啦!!!!!!

之前講好彩今日有玩試衫
因為我發現而家諗定邊條裙襯咩飾物好重要(我太多飾物!!!)
仲有
我需要再買手鍊手鈪介指同埋耳環配襯d裙(便服個條都要!)
而且試完衫後
我真係要的起心肝搵hairdo reference
(傳說中好人既阿dark會係我化妝師!!!!)
至少到時大家討論都易d!!!!!

同埋今日阿b發現佢當初叫我揀對3寸高跟鞋係錯誤選擇
因為我著左之後只係矮佢dd!!!(仲要係因為佢gel高左頭!!!)
所以我big day都可能要著對矮d架喇!!!!!

仲有四日就飛喇!!!
我地真係好好好緊張!!!!!
希望一切順利啦!!!!!!!!!!!!!!!!!!!!