錢‧洗錢‧慳錢‧儲錢~

真係要開始諗點樣慳錢。

我好坦白咁講
我係一個無理財觀念同一d都唔慳儉既人
(其實已經慳左架喇‥‥)


事緣係前兩日又洗大左
又join埋massage(因為就黎做完)
佢仲要衰到每次送埋body treatment俾我(唔知乜鬼蜜/臘??)
佢知道我既弱點
就係我D手手腳腳甚至全身皮膚都好乾好「鞋」!!(由細到大打波去玩都冇乜護理)
呢個TREATMENT可以滋潤皮膚
完全係俾人「對正」同「下藥」呀!!!!!!!
而價錢竟然同我之前join既普通massage差唔多(其實係仲平左dd!!!)
咁又點走得甩丫‥‥‥


JOIN完都有少少內疚架
少少啦
不過經此一役我都肯定我要JOIN既野都JOIN哂
一年半載都可以唔駛煩!!!


其實而家D錢真係倒水咁
(其實我唔係介意因為我真係覺得錢係要賺黎洗既
只係怕最後找尾數時唔夠錢找!!!!)
而我同B d錢其實一早已一齊用無分你我
我地要供樓俾家用自己家庭開支無節制既玩樂仲有一切婚禮預備等
一切一切都由我地自己一力承擔!!!!
屋企人都話有需要可以出聲
但我地如非必要都唔想驚動屋企人
事關我地自己又無慳過揀既野又唔係平
絕對唔想咁衰拎屋企人既$$$$去fing!!!!!


其實未買樓前我俾一萬蚊家用媽媽架
因為買樓要供樓開支多左所以cut左幾千蚊已經好內疚
不過好彩媽媽唔介意仲成日叫我冇錢唔好俾家用
咁又點得?!!!我唔可以咁自私~~
所以每個月一出糧我都即刻過左數俾媽媽先
剩番既先可以洗!!!!
婚後我都唔會再cut家用架喇~~~
希望最少可以keep到呢個數!!!!


而之前買樓裝修一次過用個幾十萬都未回氣
仲有dd野都仲供緊
轉頭而家就要prepare for wedding
仲樣樣都要即俾
冇得分期之餘有時仲要唔收credit card
好彩既係雖然冇鬆動
不過都可以剛剛好。
(以我地冇組織過儲錢同慳錢黎講
真係amazing!!!!)


所以千祈唔好殺校呀
我份糧真係好重要!!!!!!!!!!


但其實咁樣都唔係辦法
阿b都要讀書架喇
呢筆錢唔慳得
不過其實都冇$$$所以都冇話慳唔慳!!
好彩阿b而家份工都叫穩定
係個阿頭harsh左d
而harsh係因為佢睇中阿b想谷佢
咁雖然辛苦d不過阿b都要頂硬上架喇
可幸係應該遲少少先讀都唔影響份工
惟有結左婚先算‥‥‥


而我一定唔會再進修架喇
之前讀個master真係超後悔
成9萬蚊!!!除左交少d稅同拎到個$10000獎學金之外
真係唔知讀黎做乜‥‥



講開交稅
真係想跳樓
我已經知出年要交幾多稅
係我咁需要錢既時候稅局要我交既係咁多年黎最多既!!!!
i want to die‥‥



所以在前排市道好既時候曾經有諗過賣樓
因為真係升左好鬼多呀
而且希望可以向個買家租番黎住
咁有cash之餘又唔駛改變生活質素
不過先唔講有冇買家
剩係諗起講開我同b都已經唔捨得
所以我地呢d人都唔會搵到大錢架喇
唉
唯有自己慳d洗啦‥‥



呢篇blog完全冇重點
純粹為左抒發下自己洗大左既內疚同埋警剔下自己真係要慳d
如果唔係就再咁落去
就唔可以繼續過我地呢種自由自在(精神自由同洗錢自由!!)既生活





唉
好彩份糧頂得住
不過
我真係要認真地慳d洗喇!!!!!!!!!!!