我的幸福峇里之旅‧第三天 (下) 2011‧8‧20

我換左阿b之前特登買俾我既裙
在i.t.買特價都幾百蚊‥‥
本來係for prewedding
點知最後ken揀左我出發前買只係一百蚊個條花花裙
因為佢覺得黃昏著紅橙靚d~(其實大家都認同!!)
so條藍色留番呢晚著!!!
不過事後都好慶幸呢晚係著呢條裙!!!!

阿b book左六點半開始食
有人「車」我地去呀!!!(後尾係單車黎架!!我同b都心諗好彩我地輕唔係佢咪好辛苦!!)
我帶con+冇專業人士幫我化妝!!
(我竟然唔介意肯post出黎證明我真係好鍾意呢個trip!!!)
不要問我為何日日不同樣!!我也不知道怎解釋!!!!!

去到我先知道
原來所謂一日只serve一對情侶
係因為成個沙灘都只係得我地!!!!!
這個白色小帳篷
四周圍起蠟燭
仲有兩個樂手~~~~~~~~
全程有人serve我地但從不disturb!!

好浪漫呀!!!!
不過好大風呀!!!!!佢地好細心咁一開始就俾左披肩我喇!!
仲主動幫我地影相添!!!!!

預備這一切的靚仔B!!!哈哈!!!

有7個COURSE既MENU!!
事實上每樣都好精緻好好味!!
不過真係好飽!!!!!!

因為我地「Honeymoon」而送俾我地既紅酒!!
(浪費哂!!!阿b有迫自己飲架!!幾啖咁啦!!!!

我地慢慢食食左兩個幾鐘
之後就set腳架自己影合照~~~
先影全景!!!
cheers!!!!!

再影近dd!!!如果放大其實睇得出我係好開心架!!!
因為呢餐飯真係好正!!!!!我食食下飯個陣已經同b講如果佢係度求婚就好了!!!!
因為阿b未求婚架!!!不過我亦知道我地好窮而阿b又一定要買到介指先求婚~
(唔係我要求係佢要求!!!!!)
所以我都係講下jei~因為呢幾日我真係已經好開心喇!!!
佢條友仔仲答我梗係要搵d特別日子先求
即係愚人節呀兒童節個d
唔會咁易俾我估到!!!哼!!我心情靚唔同佢計!!

連續影左好多張之後
打算再影
我見到阿b set完機行番埋黎
但見唔到個相機有閃(要等10秒先影個盞燈)
仲話佢傻都未整好
點知阿b答我：「係呀，因為拍緊片。」
我仲問：「做乜拍片﹖」(我當時仲坐係度拿著iphone睇緊d相)
佢跟住就扶我起身
我仲問佢：「下﹖做咩企起身﹖」
(其實個段時間太快但我個心飄過一個念頭：你唔係想同我跳舞呀﹖)


點知我都冇機會諗

佢就已經跪地拎戒指向我求婚喇!!!!!!!!!!!!
我想講我真係一百個surprise!!!!!!!


我真係好感動好感動
但我都只係眼濕濕冇喊出黎
係因為我仲係處於「未能接受現實」的狀態中!!!
而且
咁好開心好難喊得出!!!!!!!!!!!!!!!!!!!!!!!!!

我自己睇番段片
都不斷聽到自己話：「低b﹗」、「真架﹖」、「點解呀﹖」
證明我係100%被騙倒!!!!!!!!!!!!!!
所以
我係真係收到100%既驚喜!!!!!!!
我真係想都沒想過阿b會在峇里求婚!!!!!!!!!!


當晚
阿b訓左
我自己係度喊
回想整個過程

隻戒指大小是否貴重對我而言從來都不重要
(雖然之後知道價錢後我真係覺得好貴!!!!!好浪費!!!其實我係唔會戴架!!)
而我見到後第一個反應其實係問「你邊度有錢買﹖」(好不浪漫!!!!)
佢叫我唔好理佢~~既然呢個位佢咁man我就算啦!!!
雖然事後我都知~~~佢都係會我講架啦!!!
都拍左十幾年拖邊仲有秘密丫!!!!傻b黎既!!哈哈!!)

我喊係因為我真係好感動
我係真係感受到阿b非常錫我
琴日影相佢問我開唔開心
我話好開心~咁你呢﹖
佢話你開心我就開心!!!!
呢句「甜言蜜語」我係真係衷心相信架!!
阿B真係太鍚我喇!!
竟然寵我寵到呢個地步!!!

我地由買樓到籌備婚禮
一切都係按部就班
step by step
係自自然然就到
對於求婚一part
我係完全想像唔到
而且我以為我之前係會知道蛛絲馬跡
不會太有驚喜!!


怎料阿B竟在美麗的峇里預備這一切向我求婚
讓我有一個一世難忘的回憶

我真係太幸福‥‥‥!!!!!!


其實阿b真係冇錢架!!(識我地既都知係事實!!)
但佢願意盡佢所有能力去俾呢個難忘既回憶我
我有一個願意咁對我既男人(佢係呢刻已經升左LEVEL唔係男仔!!)
我真係覺得自己好幸運!!!!!!!!!!!


昨天拍婚照時我已經覺得自己好幸福
想不到原來更驚喜令人更感動的還在後面!!!

你們說
教我如何不愛峇里﹖
教我如何不愛B呢!!!!!!!哈哈!!!!!!!!!!!!!!!!!


註：其實我而家打時都流緊淚
只要我諗起阿B真係對我好好我就忍唔住喇‥‥
我們一起快要十四年喇
真的很感激有B陪我同行‥‥

因為今晚
我更想像到我出年BD時如果要我講野
我係一定會喊到收唔到聲‥‥‥

最後
送你們一張豔照!!!
食完飯番到viila就發現管家已替我們預備了這玫瑰花瓣浴!!!!!!!

以及送上這小書簽及玉桂香梘!!!

我跟b說
我們這次只是pre-honeymoon已經開心得這個樣子
真正的honeymoon時怎麼辦﹖

b說：不知道呀!!到時有錢先算喇!!!
哈哈!!
這才是典型b給我的答案吧!!!!!