第一次淘寶收貨!!!!

我第一次淘既係兩條EG!!
不過因為俾SIZE佢訂造
所以未有貨!!

因為當時淘完興起
就睇埋飾物!!!
兩日半就收到貨喇!!!

不過第一次淘寶果然好豬仔
自知住屯門呢D偏遠地區都唔醒目D
所以收貨時才知道要俾多$30偏遠費用呀!!!
如果我在屯門既門市拎就唔駛!!
在工廠區!!!!
下次我就唔會咁豬仔喇!!!!
(唔知個兩條裙仲改唔改到地址呢﹖)

雖然豬左
不過我對於貨物質量很滿意!!!
首先係賣家態度好
其次係同相片一樣!!
雖然價錢我唔知係平定貴
(我承認我唔係精明消費者!!)
但至少我覺得買得開心~~~~
因為d貨同相片係>95%相似!!!~good!!!

買左五樣野
全部係for prewedding!!
其實我都唔知用唔用著
買既時間又乜style都想有
因為都唔知自己個頭個look會點!!
(即使試完裙我都係想像唔到!!!!)
所以我只淘d我覺得影相應該會靚既野
所以
好閃!!!!
而我本人其實係麻麻地閃既呢‥‥
(人變了‥‥!!)

showshow相先!!!
收貨lu!!!!

賣家同大量報紙同啪啪紙塞滿個盒保護d貨!!!

第一樣：羽毛頭花+手花!!(用既機會50%)
頭花質素ok!!手花麻麻地!!

第二樣：lace通花手套!!質量唔錯!!!
曾經講過唔想帶lace!!但最後睇完好多好多手套之後發現
原來lace可能已係最靚!!所以平平地買一對~~
到時襯到就用唔係就算啦!!!
但我對手唔靚好想搵野遮住佢!!!!!

第三樣：六排「鑽」鈪/鍊﹖
我隻手太幼一定要帶野
但唔鍾意幼鍊!!!!
而呢到佢有4/5/6/7排鑽俾我揀
我鍾意粗但又怕自己隻手太幼唔好睇所以揀左六排
好fit size啊!!!!!!我幾滿意呀呢個item!!!

第四樣：唔覺意同頭先隻鈪可配成一set既頸鐲同耳環!!
頸鐲係我bigday必要item!!!
而呢個初試版都幾good架!!試左上身幾靚!!而且好閃!!
耳環就ok啦!!正方型!!
但有得揀耳夾式!!哈哈!!方便我呢d冇耳洞既人!!~~~

第五樣：當然少不了我最愛的珍珠item!!!
呢set有三樣野，係最貴架，又真係最靚!!
除了耳環上的珠有少少花之外(真係好少)
其他都好好!!
張相影得唔好~影到d珠好白好假
不過實身真係幾靚架!!!

呢個頭冠係配埋一set既!!!其實我對頭冠既興趣就唔太大
因為我唔會係公主!!!如果要我只買頭冠就唔會買架喇
不過佢係一set阿b又話ok咁就買啦~~~
實物又真係幾靚既!!!!但我個頭好似太細喇!!!
(用到既機會低於50%!!)

仲有一樣：就係買滿一定價錢送既小禮物!!
我揀左一對都幾plain既介指~~
意外地竟然岩帶!!!!
我平日出街試介指多數都係鬆的!!
我仲預左當鍊墜添!!
所以算係意外驚喜!!兩隻一齊帶幾好!!!
(請無視我超乾既手!!!!!!!)

整體而言
我對賣家、貨物都幾滿意~~~
雖然唔算平
但係應該夠我玩兩次prewedding架喇~~
所以都好滿足!!!!

希望影相用到佢地而佢地又會令相片/我「咁」上添花啦!!!


鋪頭係叫「千色新娘」啊!!