前天林志達的祕書打電話話我知
林律師六點半冇位但八點半有位
而佢老婆六點半有位但收費相同
其實當天我已決定唔join不過冇明確覆到
點知今日放工時林律師終於親自打俾我(遲左四日!!)
一輪咀解釋因為忙所以遲覆以及自己個期呀老婆個期呀咁!!!
坦白講可能佢真係好忙
佢講野既語速係快到我覺得聽得辛苦
而且我係插唔到咀!!
其實我中間係講左句因為我地想book你但你六點半冇期而我地唔想八點半註冊所以算之類的說話
但佢完全ignore我‥‥繼續講解佢既工作!!
不過我好多謝佢咁熱心
佢解釋左俾我知八點半證婚同六點半證婚既分別
例如一個係由新人一齊進場一個係可以由爸爸拖住新娘進場等等
不過有一樣野令我好疑惑
就係佢話
如果六點半著左婚紗註冊
咁八點半入席時就唔可以著婚紗march in!!!
oh!!我唔知呀!!
佢話因為佢份人好傳統
所以就話婚紗只可以著一次
(我唔知係指當天定係同一條唔可以著兩次‥‥我唔記得問清楚!!!!!)
我想知係咪真架﹖
有冇人可以答到我呢???
如果係我就要再認真心諗下租衫既問題了~~~~
噢噢‥‥
後話：
其實我覺得林律師係有少少想我join佢太太
不過唔知點解我覺得用相同價錢join佢太太好似好傻咁‥‥
(如果三千零蚊我就真係會考慮!!!)
而且佢仲話六月後佢地就會加價
所以我覺得我唔join佢地都係明智既!!!
我覺得用慳左個一千蚊
買多一層蛋糕好過啦!!!!
你地話係唔係呢???!!!
點會呀 ? 我做左十次姊妹都未遇過話婚紗只可著一次囉 ~~~
回覆刪除[版主回覆05/21/2011 16:28:00]係啦!!不過我呢個月已經唔止聽一個人講了!!不過律師咁有份量既人講就係第一次~~~
佢想你JOIN佢先咁講JEI,,, 我覺得8點半先註冊唔好, D客人真係會好嘈...
回覆刪除[版主回覆05/21/2011 16:29:00]我一定唔會八點半註冊架喇~~impossible!!我好唔鍾意架~~所以唔駛諗~
吓!! 原來係真架... 唔怪得我同事成日叫我 :
回覆刪除"一係著到去march in都唔除 (好似外國人咁著成日) 一係就march in唔好著婚紗"
[版主回覆05/21/2011 16:30:00]係啦‥‥但佢直情話唔可以著婚紗march in喎~~更serious~!!!
個理由都攪笑喎, 真係第一次聽, 掛當日只可以著一次就聽過, 婚紗點會呀?
回覆刪除同理呢, 唔係話你個日都有另一個B2B BOOK 咗咩, 無啦啦又有番期咁攪笑?
如果好似佢咁講, 我咪死得, 我分分鐘著3次喎
[版主回覆05/21/2011 16:32:00]最初覆我full booking既係岑漢和~~林志達係一直話八點半有期~~鄭瑞儀就六點半有期~~不過我都唔join架喇~~我覺得而家好好~~俾一千蚊訂買個保險又買個伯大尼希望!!! 我一直都係諗住著兩條婚紗架~~~ 所以如果睇中兩條就唔會理佢!!!!
我都覺得唔洗理, 如果係咁, 以前未有律師証婚時, 個個都o係註冊處註冊, 咁咪無人夜晚march in lor!?!?
回覆刪除[版主回覆05/21/2011 18:48:00]係啦!!所以我聽到時好驚訝架!!佢仲要話：「哦﹗原來你唔知既!!」咁樣law!!!
試婚紗時都穿過n次啦...0.0 我男友故鄉台灣都是這樣, 婚紗只可以穿一次, 當時我同佢嘈左好耐.. 我話我地中國人, 著裙褂一set就唔好著2次就真, 鬼佬d野我地跟就當好玩, 唔跟就係道理..... 所以我覺得文化唔同喎, 我跟傳統果一套= =(對自己有利的話)
回覆刪除[版主回覆05/21/2011 18:46:00]haha!!我極認同最後個句!!! 我跟傳統果一套= =(對自己有利的話)
其實我之前都搵過林律師!!佢果時打俾我解釋流程 佢都係咁講係咁講~我想插咀都插唔到啦!! 不過佢都係熱心ja~哈哈~ 另外其實我都無聽過註冊後唔好著 婚紗march in bor!! 而且我有朋友結婚時都係搵林律師, 佢六點 註冊著 婚紗, 迎賓再著返掛, 之後再 著返 婚紗 march in ~即係同一日著左兩次掛兩次 婚紗啦!! 所以呢D真係睇個人既~ 自己唔信呢套就得啦!!
回覆刪除[版主回覆05/21/2011 22:28:00]我就係唔明囉!!咁多人搵林律師證婚都冇人提過佢會咁樣講‥‥ 剩係我聽到‥‥我都唔明!!!不過算啦!!我都唔會跟架喇!!~~
叫佢咪走火入魔啦~~~
回覆刪除中式同西式都未分清呀
褂一set唔可以著兩次就聽得多
婚紗唔可以著兩次既話，影多兩輯婚紗相既話，仲得了既~~
[版主回覆05/22/2011 10:46:00]我諗佢係指註冊後唔可以著番同一條~~不過都冇乜可能~ 我肯定好多JM都係咁~~SO唔理LU~
你覺唔覺得佢講野好像播帶咁？ 無論你應佢D咩，佢都會 ignore 你直到佢講完佢想講既野 所以我對佢感覺麻麻，不過佢的確係好有交帶既～～ 婚紗著一次 D 樣野一D 都唔 make sense 呀！！！！ 我地個個都影 prewedding 架啦，咁結婚個日咪唔可以著？
回覆刪除[版主回覆05/23/2011 13:41:00]冇錯呀!!我都係因為聽完佢個電話所以覺得一d可惜都冇呀‥‥‥個感覺真係幾一般‥‥‥哈哈係呀!!!!之前睇新聞有個新娘全日著十條添呀!!!所以呢d野都係自己鍾意就算了!!!!