我地張床‥‥‥

我就黎發顛!!!!!!


四月中屋企水浸
張床發霉
用滴露抹左好多次解決左表面上的霉
但床架一邊個底條木我好肯定係發霉
但張床太重我地係抬唔起抹唔到!!!!

唔好以為我咁慳唔想扔
(雖然係好鍾意好唔捨得因為都未夠一年!!!
仲要係當初行左好耐先睇岩咁矮但又油壓的大床
去年在centro買都要成9k!!!!!
早知當初唔買咁貴!!!!!!!)
係因為家居保到未攪好佢叫我唔好扔住!!

於是我地忍日日番工前打開張床等陽光曬下等心理上好過d
但都話係個底有事點曬都曬唔到架啦!!!!
所以我已經忍無可忍決定唔等個經紀
我要買床!!!


但琴日只係睇左GOD阿B又唔肯即刻買
(QUEEN SIZE油壓要一萬多D)
佢想睇埋佢媽媽訂床個間先!!!

阿B買一樣野要三思三思再三思
我明既咁貴我真係明喎!!
尤其係呢個經常倒水既非常時期!!
我真係明喎!!!
但我諗起D霉我就黎發顛喇佢都明架喎!!
而且我真係有八成相信最後又要番去GOD買
咁點解要等‥‥????!!!嗚嗚嗚
訂造要等五個禮拜架!!!
我唔想再同張發霉床朝夕相對呀!!!!!


今日我放假執屋
再鼓起勇氣審視張床
好明顯又嚴重左啦!!!!!!
木皮外邊有D白點喇!!!!!!!
所以我SEND左最後通牒俾李生
明天
係明天!!!!(因為我今晚應承左媽媽番屋企食飯!!!)
一定要要買床!!!!
冇得傾!!!!!
李生都知佢再唔同我買床就會大鑊過訓發霉床
當然立即答應!!!!!!!!!!!!!
哼哼哼!!!!!!!

不過真係有一個難題呀!!
就係我好想扔左張床(我寧願淨訓床褥都唔要張床!!)
但自己係冇辦法拆床
佢D油壓鉸好實一定要用工具!!
而且問過GOD 可以加$俾送床師傅幫我地扔床但唔包拆床
咁邊有可能呢??!!!
我張床係冇可能打橫出到房門再出廳再出大門
就算係都入唔到電梯啦!!!!!!



咁我可以點算呀??????
我真係就黎發顛喇!!
我發夢都夢到佢呀!!!救命!!!!!