閒情逸致~~

之前睇gingko個blog見到佢種左成屋靚靚繡球花已經好想種
再上埋佢屋企試妝時見到實物更加強我既決心
不過勁懶既我係冇可能突然咁神心去花墟買花
點知琴日去九龍塘睇完場後行行下竟然去左花墟
於是就成就左我呢個願望!!!!

行左成個鐘
都只係見到粉紅色既繡球
我唔鍾意呀!!
我同粉紅真係絕緣架!!
正當諗住放棄既時候
終於在街尾搵到一間係賣藍色架喇!!
唔係好靚既種
但廿五蚊我唔可以要求咁多
即刻搬一盆番屋企先
而麻煩既我係唔容許個d啡色膠盆出現係我屋企
於是又買多個白色圓盆(價錢係買兩棵繡球!!!!!!)
今日終於買左個鏟將佢移植
變成以下呢個樣!!!

佢而家係我家老四~~
我好希望可以成功種到佢變成紫藍色~~
佢應該有四個大花球
兩個仍然係初生階段
望到有色呢個兩則係成長期中!!!

細個我最憎種野
因為我好驚蟲好憎毛毛蟲!!
大個都驚
但想種野既欲望大過恐懼
好想我地屋企多d生氣
對住d植物人都開心d!!!
於是成功克服左
而家屋企有兩株泥種一株水種植物
我仲買左個大花樽諗住定期買花番黎插!!!

順便介紹下我家老二先~

我在灣仔山長水遠帶佢番黎架
後尾先發現周圍都有!!
哈哈!不過我份人好即興
所以都冇乜所謂!!
因為佢~~先有老三老四既出現!!!
佢係好common既植物
common到我唔知佢叫咩名‥‥!!
佢真係好易種(我都話易就真係好易!!!!!!!!)
一星期換一次水就可以!!!
我買佢番黎時冇咁大棵架
之後種種下佢不斷出d小葉仔
見到都開心!!!!
因為佢生得幾好我先夠膽買老三老四番黎!!!

再介紹下我家老三

呢盆係竹黎架~~
一日只需淋一次水
都好好種
d葉色又靚!!
不過真正既名我唔記得左
因為個次老闆娘介紹左n樣竹
攪到我都頭暈暈
唔記得哂d名!!



講左咁耐
老大係邊﹖
oh~~老大已經去左一個好遠好遠既地方‥‥‥!!
老大係虎尾蘭
係我地新居入伙後不足一個月就買既植物
據聞好易種好難死
偏偏就俾我種死‥‥‥
壽命只有半年!!

自此之後
我都唔係好信個d咩好易種
真係要試過至知!!!!

在繁忙既籌備工作下
為家居添上點點生氣
不但屋企靚d
人開心d
兩個人感情都好d~!!!