失望‥‥

今日係site visit日
先去中港城世紀見證睇天幕禮堂
之後再去九龍堂伊甸園既玻璃教堂

真係
幾‥‥失望!!


可能未去前睇過comment同相片
我以為我係會揀世紀天幕禮堂搵鄭家富律師證婚
點知去到見到個玫瑰禮堂
我已經覺得好細
但明明有好多jm好鍾意
所以‥‥
我唔明‥‥!!
阿B都話婚姻註冊處個度仲大D‥‥


再出去天幕位置
原來係商場既一部分
屆時世紀先會問商場借場
再佈置排椅
當然比玟瑰禮堂大好多
好開揚
望到部分維港景


但就係太開揚!!
因為我而家先知道後面係有間cafe仔架
即係證婚位置同維港景中間係隔住間cafe
點解冇人提過既﹖
大家都唔介意﹖
雖則阿b都講得岩
間野都有少少拍烏蠅
今日星期六下午都只係得小貓三四隻
但我唔想搏‥‥
更重要既係今日個維港景送多一樣野俾我地
就係一條勁大既吊臂!!!!


我可以肯定我地bd係星期日工人唔開工
但我知道佢地一定唔會因為休息一天而整走隻吊臂!!
我唔想bd前先擔驚受怕到時會唔會有工程
我更唔想我每張證婚相都有可能出現吊臂既機會‥‥
我唔想搏唔敢搏
所以我好失望
因為我之前太相信照片‥‥‥


去GLASS CHAPEL
更冇抱太大希望去
因為我一早知佢細
而去到果然真係覺得

好細‥‥!!

我絕對質疑個王小姐講入面企連坐可以容納120人
而當座位只有三十幾個既時候!!!!!


平心而論
其實佢真係靚架
靚過天幕禮堂添
只係如果要親友特登去九龍堂觀禮而去到要佢地企我真係唔好意思
(天幕假假地都可以排到六十張椅丫)

所以
我又係毫無留戀咁走喇~~


我都唔知係咪我期望太高
要求太高

走個陣已經心諗
證婚場地我又鍾意既得番伯大尼
而我應該係半放棄

所以(其實當我決定請MC時都已經諗過)
我最後可能寧願請律師六點半到到迎證婚
平最少五K
又唔會浪費左JOYCE萬幾蚊既佈置
又可以用埋個MC
剩左既錢仲可以訂番個CAKE2!!
(本來應承B如果花錢BOOK證婚就唔訂CAKE2!!
個價錢差咁遠我都唔知點解當初咁都過到骨!!!)


不過咁就煩惱又黎喇
又要同人爭律師

我之前都有留意過下
而我好早已經知好出名既林志達律師在我BD俾人BOOK左
所以我心水一直係都好出名又收費合理既岑漢和律師($3000+$305)
不過我都好驚佢FULL

如果佢FULL我就會搵鄭家富
$5000+$305呢!!!差2K!!!


唔知仲有冇第二D選擇呢﹖
(救命!!又要搵埋律師呢PART‥‥!!)



再唔係‥‥
如果最後個個都FULL
先排伯大尼(伯大尼一樣都要律師架!!!!!!!)
再排婚姻註冊處吧!!!


婚姻註冊處
除左要爭同趕以及要怕爭唔到心水時段之外
我覺得不論場地同莊嚴程度都冇問題!!
平(快)、靚、正!!!!!!!!!!!!!!


哼哼哼!!!!