男人的玩意~

唔知你地既另一半有無特別嗜好﹖
你地又支唔支持佢地既嗜好呢﹖


前言：
阿B係唔煙唔酒唔賭錢。


我識左阿B十幾年
開頭既阿B係偏靜
又可能因為之前既工都要番SHIFT
所以好少夾到朋友去玩
戶外活動可以話零
最多係打機、睇戲、睇波、聽歌

自從阿B番番正常OFFICE HOUR之後
就有番朋友
開始多D活動
影相、行山、BOARDGAMES‥‥
亦多左運動!!!
(呢點好重要!!之前佢真係好唔健康!!!我體能好佢好多!!!!)
而除左同我打壁球之外
佢亦都開始發展另一樣運動
就係踩單車!!!


而今日
我就陪佢去買左呢架新寵兒喇!!!

架車三千幾蚊
係我預早送俾佢既生日禮物


我覺得自己有點縱容佢架
係呢段婚前倒水既階段再倒多一桶水
但係如果可以有樣運動令佢KEEP住做保持身體健康
我又覺得好值得!!!!


其實阿B好慳儉
之前買鏡頭今次買車同平日買野都係
成日要諗好耐左計右計先決定買
今次佢都本來話買部千幾蚊既算
但我又覺得橫掂都買就應該買好少少
如果唔係之後換車仲煩
佢係唔想架
但我嫌麻煩

所以我就決定以生日禮物既名義買俾佢喇
等佢良心好過D!!!



唉
做人女友真係甚艱難!!!!



不過
見到佢開心我都覺得開心既
我相信愛呢一半既你地
都會明白我講緊乜
係咪???



希望呢架車可以令阿B健健康康~開開心心啦!!!!!