奶奶衫 @ JANNY WONG

7/5

約左b媽、b姐同阿b去janny到試衫

因為在港島番工關係

b同b姐遲入
我同auntie自己坐taxi入先

一去到睇衫
b媽已經覺得d衫好誇張
覺得佢地太閃太低胸
(其實我地一早同左佢講係西式晚裝)
因為佢一直以為係個d企領絲絨衫
所以在最初段真係接受唔到。

咁janny都好有耐性
先拎左一套易接受d既俾b媽試左先
咁佢開始願意試落去
(其實d衫真係唔係低胸‥‥但係粗帶一字領‥‥
b媽成日話自己年紀大條頸唔靚要遮‥‥)

到佢對仔女黎時
佢就試得越順心
試左差不多一粒鐘
最後揀左b姐同janny都覺得最好睇既啡金
所以我加左$1688去轉呢件奶奶衫
至於b姐就自己出去再揀。


之後個晚
阿b番屋企食飯
傾談間先知道佢阿媽原來鍾意銀灰個條
而佢揀啡金係因為大家覺得啡金靚‥

no problem!!
我即刻sms janny轉番條裙!!!!!
一切順利!!!



再過幾日
我做完examiner番屋企
阿b同我講同媽媽嘈交
因為佢媽媽話想唔要條裙!!!

其實我聽到第一個反應就係由佢
因為唔可以迫!!
不過阿b當時都同佢嘈
話佢個陣又唔出聲俾左錢先黎嘈

我無理阿b
send左個message俾b姐等佢同b媽講
所有野無問題佢鍾意就得‥‥‥
而阿b就好似小朋友咁耍脾氣唔番屋企食飯!!

其實我明阿b點解嬲
因為真係貴
不過我都知嘈完都要就老人家
所以嘈黎無用
邊有可能迫佢著一d佢唔鍾意既衫呢﹖


所以我唯有自個兒煩惱
咁多左件衫點呢﹖
我又著多件晚裝﹖
咁我媽又點呢﹖
b媽最後件衫會唔會同我媽差太遠呢﹖


一輪煩惱過後發現
其實一切都係空想
因為未到最後我都未知佢地想點‥‥


前幾日我媽知道b媽唔著個件衫之後
自己都想換埋
話一齊轉!!!!


我先發現
原來我地既媽媽都好保守‥‥


阿b聽到好驚
話要說服佢媽唔好轉
因為會令到我媽都轉


我叫佢遲d先算‥

總之我最壞打算係
兩件媽媽衫令我有機會變成當天著2wg+3eg+janny首飾
OR
3wg+2eg



而媽媽奶奶個4套衫要重頭開始‥‥
唉唉唉‥‥

呢part真係我第一個挫折啊‥‥