最低個日去到15730
查實本來我都無感覺
因為我唔係一路睇開個d
不過當個日落到15930時
突然收到媽媽電話話佢知道金價回落左
話爸爸想買對鐲俾我
叫我去睇款!!!!!
所以我即刻有d緊張
因為金價貴即係要俾多d錢
對爸媽要用既錢而言
真係要慳得一蚊就一蚊!!!!
除左慳錢
我仲有第二個原則
就係要同爸媽一齊去買!!!!
因為我呢個星期一至四都做考官
每晚放8:30
而爸爸仲晏
所以要一齊去就要等星期五!!!!!
所以星期二、三
在金價最低位時
都係得我同b一齊去六福
and自己去左周生生睇款
兩條友入去乜都唔識
好混吉!!
去到星期五
已經去到16130
本來都係打算同爸媽去睇款
但爸媽都決心買了
怕之後再升
所以我就擁有了一set嫁妝from最愛的爸爸媽媽!!!!!!!!!!!!!!
囍字係我同b個日睇已經幾鍾意
低低b但都幾喜慶~
所以最後買時阿b唔係度我都揀番呢對囍字鐲!!!!
我的花鍊~~
6其實呢兩樣野係媽咪比我更喜歡的
因為我揀鐲時其實係揀8錢幾一隻的
後尾再揀花鍊係揀條雕花的
不過因為媽咪見我鍾意條鍊望落細條(其實都1兩幾!!!
)就話要加大對鐲
話好睇d!!
其實真係好貴
不過個刻媽媽好堅持
所以我都由佢
最後一對重2兩幾
又因為咁
我換左呢條花鍊
因為媽咪鍾意呢條多D
佢覺得重過我鍾意個條少少但睇落大體D
我想媽媽覺得物有所值
所以換左!!!
之後再睇耳環同戒指
不過因為我無耳洞
而佢又無夾款
所以放棄!!
至於戒指
靚既係唔可以改SIZE
隻隻都15號
而我係12號
所以兩樣都唯有遲D先!!!
全程睇金個陣
媽媽都積極參與
爸爸就乜都話好
過程真係好開心
除了因為感受到父母對我既愛之外
亦都有一種真係辦喜事既感覺!!
呢種感覺好重要
對我呢個已經開始覺得累好想快D攪掂既準新娘而言
真係俾番不少動力我!!!!!!
爸爸出身低下階層
是工廠工人
養育我們一家五口
沒有任何不良嗜好
愛媽媽疼我們
從不對我們打罵
媽媽是家庭主婦
口硬心軟型
對我們嚴厲
其實只是愛我們
我非常非常感激我的爸爸媽媽
單純為佢地讓我在健康快樂的家庭成長
為佢地對我從心底發出既愛
為佢地對我同阿B既體諒、支持同愛護
為佢地從不在任何地方給予我們壓力
我真的很愛很愛他們!!!!
我相信最好最好的結婚禮物
就是有父母既衷心祝福!!!!
AND
I'VE ALREADY GOT IT!!!!!!
THANKYOU!!!!!!!!!!!!!
全程睇金個陣
回覆刪除媽媽都積極參與
爸爸就乜都話好
過程真係好開心 <<<< 幻想到都覺得好開心呀 ~~ 得你一個女, 辦嫁妝只有一次機會 , 可以同埋佢地一齊買, 好值得紀念~~~
[版主回覆05/22/2012 11:23:20]係呀!!最開心係同父母一齊揀!!!有幸福的感覺!!!!!
我要同你影相！！！！
回覆刪除[版主回覆05/22/2012 12:54:34]你黎個日可以著醫生袍嗎﹖
[Isabel回覆05/22/2012 12:00:11]=P我抄阿moon ga!!佢一定第一個搶住同你影相XD
[版主回覆05/22/2012 11:24:42]你唔好搶我對白啦吳醫生!!!!
花花鏈好靚...
回覆刪除我地院友係寧舍幸福
[版主回覆05/22/2012 12:54:08]
好大手筆呀！又靚！
回覆刪除媽媽都買左嫁妝俾我，不過我未post！
雖然冇你嗰啲咁重手，但我都已經覺得洗左媽媽好多錢了！
我有時會拎出黎欣賞，次次打開個盒都想「哇」出黎！^^
[版主回覆05/23/2012 15:01:10]應該會‥for著褂時戴!!因為我真係見過有新娘子著褂戴珍珠耳環，唔係好襯!!!!不過我唔會買太重的‥平平地算!!!
[KTBB回覆05/23/2012 13:28:42]係呀係呀！~~~
你係咪會買金耳環呀？~~
我媽又話金唔會帶返，買珍珠又有人話leung，到時唔知帶咩好囉！
[版主回覆05/23/2012 11:49:59]係呀‥‥其實我都無預計爸媽用咁多錢架!!因為父母既財政狀況我好清楚‥‥但佢地話得我一個女(我有兩個細佬)‥‥所以‥‥我都無極力反對了‥‥但係其實無論d金係幾重都好，最重要都係父母既心意!!有父母錫就已經好幸福!!!!!!!!而我好明白你個種「哇」既情況，因為我都係咁!!!!!
絕對感受到你既幸福^^
回覆刪除不過有時真係好矛盾呢，俾左錢佢地係想減輕佢地響各方面既負擔，但偏偏佢地又會大大手筆地買番野俾我地，但呢一份心意，又無得反對、拒絕
[版主回覆05/24/2012 09:51:19]係呀!!!!其實我爸媽無同我傾過禮金、酒席之類既野‥‥我亦知道佢地真係衷心不介意‥‥到再收到咁貴重既嫁妝‥‥我真係好感動啊‥‥
感覺到你父母好愛鍚你, 好幸福!!
回覆刪除[版主回覆05/27/2012 11:51:48]係呀!!!!!!因為我地唔係大富人家，所以爸媽這舉動更讓我感動!!!
幸福的家, 是他們給你最好的禮物!
回覆刪除[版主回覆05/27/2012 11:53:01]無錯呀!!我一直有為此感恩!!!!
好幸福喔!!
回覆刪除[版主回覆05/28/2012 12:33:23]thanks lingling!!!!大家咁話!!!
媽咪都話要等爹爹返黎先買 :)
回覆刪除[版主回覆05/28/2012 21:16:17]Good ar!!!!咁先有意義嘛!!!!!!
Your parents are so sweet ah! It's going to be one of the big items in your memory for this wedding preparation!
回覆刪除[版主回覆06/01/2012 09:37:26]係呀!!!真係一個好好回憶!!!我真係好多謝佢地呀!!!有佢地咁錫我我都覺得自己好幸福!!!
點都唔夠我運吉, 一陣風咁又走咗, 好有同感, 當父母為我們辦嫁妝時, 個種感覺真係好感動, 我唔知點形容, 但我相信你明
回覆刪除[版主回覆06/10/2012 01:38:53]係呀‥‥‥真係好感動‥‥幾時都係自己既爸媽最好‥‥‥