BWING'S HOME 1st anniversary~~客廳篇~

搬左入BWING'S HOME已經一年多dd喇!!!
當時未開始寫blog
所以想趁呢個機會寫番幾篇留番個回憶俾自己
話哂都放左好多心血嘛!!!!!!!!!!

為了這間屋的傢俬和佈置
我變成了一個很仔細很仔細的人~~
我愛上四處瀏覽尋找參考資料
也愛上看家居用品!!!
(今天看一專欄說當你開始喜歡看家居用品代表你的年紀開始大了‥‥!!OMG!!!)

我們睇樓前已有共識
就是找一些較四正的單位不用大裝的
然後花$$在買我們心目中較靚的傢俬
最好可以不用裝修廁所和廚房
因為全屋最貴的就是整它們!!!!!
我們最後找的單位也很新淨
廚房廁所都叫OK磚地仲要幾新淨添!!!
不過
夠膽死我地最後係全屋整過!!包括廁所廚房同地板!!!!
好彩我地搵既師傅係熟人介紹
收得算平~~
不過地板係另搵公司整
又貪靚
所以都係一條數‥‥‥

而且因為我地唔鍾意訂造傢俱

除左大房個大衣櫃位必須訂造外

其他地方都正正方方好好用
所以我地都好想可以好似砌積木咁

自己搵自己配搭!!!!

當時同B日睇夜睇日傾夜傾
為了在這裡應放甚麼哪裡容得下甚麼而不斷溝通磨合
星期六日既拍拖地點就係FrancFranc G.O.D homeless Aluminium ikea‥‥‥
甚至中環灣仔既樓上傢俱店我地都有造訪!!!!
當然有d買得起有d買唔起
在有限BUDGET內傾盡金錢時間心血
終於成就了我們的BWING'S HOME!!

先黎客廳先!!!!
一年前我們為它拍了這張相片!!!!
(而家多左好多野喇!!!之後再補番張update照!!!)

窗檯造左cushion位
可以訓係度睇書!!!
電視櫃上的cd架在homeless買~我地好鬼鍾意!!
咁岩之後買左個雀仔鐘
放在凹下去既位置剛剛好!!
雀仔鐘在灣仔一間樓上傢俱店買的
都要四百幾蚊架!!!!
那裡專買一些歐陸產品~~~
D野係貴但勁靚!!
我地去到只係買最平既野!!!!嘩哈哈!!

張地氈令成間屋感覺好warm架~!!!
去年在G.O.D買的~當時買二千三百幾~
不過一年後的今天它已不在了!!
因為四月時水浸它吸哂咸水我們忍痛把它丟掉了!!!
在相片右下角的貓頭鷹拖鞋也是同一命運!!!!!
現在我們沒有用地氈~~
不過打算在冬天時買番一張~~~
令我們的冬天暖笠笠!!!!!

吊扇都係我地好鍾意既ITEM之一!!(都係G.O.D)
當初阿B怕樓底矮(我地樓底應該係8呎幾9呎)
驚有血滴子感覺!!
不過後尾我問清楚可以自己自由選擇吊幾落同個扇葉幾長
我地揀到最細~~所以NO PROBLEM!!!
(扇葉質地都可以揀添!!為配合番我地間屋~我地當然選木啦!!!)
不過呢~~風扇上盞燈真係唔係幾夠光
但對我地冇乜影響
因為我地一早已經預左會買好多唔同樣既燈!!!!

SOFA & 很受客人歡迎的搖搖椅!!!
SOFA係在aluminium訂造
當時剛巧有sale
原價around 9k+
我地買時最後$67xx
算係好抵喇!!!!!(請恕我地係追求外表的人‥‥)
兩邊可升起或放低
可作單人梳化床~~
我地最初見到個款時係用白色仿皮
但我地唔鍾意
所以自己揀左呢隻淺杏色麻布
由於aluminium都未試過整呢個款整呢隻布
所以大家都有搏一搏既感覺!!!
點知出黎效果同感覺都好好
我地都好鍾意!!!!
之後再去一次aluminium
見到佢地show呢張sofa時改左用我地既布料!!
哈哈!!好開心!!證明我地有眼光!!!

至於張搖搖椅
對於熱愛正版人士
我真係好抱歉喇~~
(其實我都係熱愛正版架!!只係呢幾張designer chair張張都五六千蚊張
我地好難買呀!!我地曾經發誓有$$就會換番正版架喇!!!!)
我地買既係復刻版
哈哈!!不過復刻版都有好多唔同公司整
本地有外地有內地都有
我地一直冇番大陸買傢俱(除左窗簾!!!)
外地運費又貴
所以在香港揀左間入台灣貨的公司~叫come in呀~~
我地上去show room睇
d椅質料好好~~
呢張係阿b必買item~~
當時買$1299
(雖然係復刻但因為質料真係好所以都唔會好平!!!
但比起正價六千幾蚊就好平架喇!!!!)
而家我地都覺得佢係超值!!!

而且由於我地好衰
想要好多唔同顏色既餐椅!(呢part困擾左我地好耐!!!因為買唔到!!!)
好感讒come in既sales 知我地買好多椅
多次幫我地努力地同台灣廠個邊聯絡
先可以額外幫我地造一張藍色!!
(藍色已停產!!!!!真正既designer又已經死左好耐‥‥
就算想去連卡佛買正貨三千幾蚊張都冇我地想要既木腳款!!!)
因為咁
我地先可以有三張不同顏色的餐椅
質量又好!!
睇個勢真係N年都唔會爛又唔會殘!!
所以真係好‧好‧彩!!!!!!

飯廳篇明天再續!!!!