wall decal~

以往的六月只有父親節及阿b生日兩個大日子~

不過自從去年做了一個重要決定後又多了一個值得慶祝的日子

那就是入伙紀念日了!!

距離這入伙一週年(咁大把!!!)還有兩個多星期

我很想找些玩意兒玩玩慶祝慶祝~(藉口﹗)

碰巧我在blogger Daphne 的分享中看見這個漂亮的wall decal外國網站

當下我便決定迫阿b就範了!!!!!

 

一年前

話說一年前!!!

在裝修佈置家居時

我已說我要在家貼牆貼!!(很堅持!!)

我家的牆很多是空置的(即使有三幅大畫也是放在地上隨意擺放沒有上牆!!)

而且當初在決定牆色時也猶豫了很久

究竟要有色還是無色(奶白色)呢﹖

最後還是為了容易配襯家裡的colourful accessories選擇了奶白色

打算之後在牆上貼上colourful牆貼便一樣咁開心!!!

點知‥‥

我地搵左好耐好耐都冇搵到心水牆貼

我鍾意既阿b又麻麻地!!!而佢又唔急!!!

(當時未想到淘寶!!其實我打blog呢刻都未search淘寶的牆貼同埋

未試過在淘寶買過野!!)

所以一路拖拖拖拖拖

拖到呢刻

終於係呢個網站睇到好多幅大家都鍾意的~~~!!

希望可以係呢幾日落到order趕在六月尾一週年前為屋企扮到靚靚﹗

我地要佈置既target有三：

1、梳化後的牆(想買一幅長型的畫好耐但睇唔岩!)

2、飯廳白色矮櫃上個一片白色牆

3、睡房的一片白牆

係網站揀左幾幅鍾意既同大家分享!!

至於最後要邊幅就仲要諗

因為有d雖然靚 但難度好高!!!!

仲有好多都好鍾意架!!所以我地仍然心大心細

(呢度show出黎既其實都只有一款係一定揀!!)

同埋要認真留意清楚度下d size、咩colour 同了解個款既難度!!

因為價錢都幾貴(運費最貴!!)所以我唔想整得唔好而浪費!!!!

 

其實我本來好鍾意d好大幅好花碌碌個d(即係上面大部分個d!!)

不過我屋企已經有好多野~同埋都幾花~~

所以只好揀d plain 但 qute 既點綴下就好

唔可以太over!!!!

所以‥‥花碌碌‥‥byebye lu~~~~~

 

雖然阿b都鍾意d牆貼

但難免都會有d牙痛咁聲~(覺得貴~!!)

不過我覺得絕對係物有所值既~~

我堅決深信用左之後我地係會住得再開心d!!至少我一定係!!!!!

 

 

網址：http://www.whatisblik.com/shop/explore

 

 

註：打完BLOG後上左淘寶睇~OH!!好多選擇!!

靚未必及外國網站的靚

但平十倍起碼!!!!!!

咁吸引既價錢我只好又放時間入去淘下~~

冇OK既就維持原判!!!!!!