兩個爸爸的爸爸節~

昨天是父親節~~
過往每年父親節我都會一整天陪伴爸爸
早上飲茶下午麻雀耍樂晚上找好店子吃晚飯
一家人聚首一堂高高興興地過一天!!!

今年都高興
不過有點不一樣
因為爸爸雖然於去年退休了
但因為仍然「年輕力壯」
所以過去一直被友人邀請做散工
其實我一直反對
因我們三姊弟已出身
他根本不需工作
只是看見他因為有細藝而變得開心高興
我們也不便阻止
只是叫他若辛苦便不要做!!!
正因如此
今年爸爸節他要開工呢!!!
我們只好將慶祝日延期
只是早上一起飲茶!!!!!
(我從不喜歡為食而等
只有為家人我才心甘情願早起等個多小時拿位子!!!
想不到父親節比母親節更人頭湧湧!!!!!!!!)

因為爸爸要上班
造就了我第一年為另一位爸爸慶祝父親節!!!!!

我飲完茶後同B去左三聖關財記買海鮮!!!!

其實我地係打邊邊架咋!!!但都想買靚海鮮打!!!
於是最後買左半斤蝦、五隻細象拔蚌、一斤貴妃蚌同一桶桶蠔!!!
四百蚊落樓~~!!!
之後再去買肥牛、丸、菜‥‥‥‥
然後一齊番b's mum home預備!!!

平日b媽廚房係b媽天下
不過琴日由我地兩個進駐
洗哂清哂所有野
幫d海鮮清哂內臟去哂潺~~~
哈哈~分工合作!!好快完成!!!

好豐富架!!
因為b媽仲預備左一隻雞，自製豬肉丸，仲煲埋花膠湯添!!!
結果
梗係食唔哂啦d野!!!!!!!!

第一年陪b爸過父親節~
感覺很高興呢!!!
有B爸B媽B姐B同我
打完邊邊再食巨型蛋糕~
超級超級飽呢!!!!!!


其實我「認識」了b爸b媽也有十多年了
他們一直待我很好
(其實我們住得很近，隔離座only!!
一星期幾晚我們都過去食飯~~~~~~
仲要衰到帶飯添!!!!
而b媽每晚都會為我個飯盒應該擺到更多餸而同阿b嘈!!(B爸都有不過少D!!!)
因為阿b覺得會多到食死我!!!!!~~~~~~

其實同B拍拖咁耐我一直都知道自己幸福
除了阿B對我好外
佢既屋企人(係所有!!!包括在香港的在廣州的)全都待我很好!!!!
從未試過有一刻令我難受
而攪婚禮以來兩老都從不干涉我地任何事
任由我地發揮
佢地唔係扮架係真架!!!
呢個位B媽真係開通過我媽媽!!!!

而且由一開始知道我地話要結婚
B媽同B姐就話要去買金
B姐話一世人得一個細佬一定要買!!
其實即係買俾我‥‥!!
其實有時大時大節都係我有禮物阿B冇!!哈哈!!

所以我知道佢地真係真心錫我地
可以同佢地做一家人真係好開心~~~


我相信冇咩禮物好過相處融洽!!!!
但願呢個關係會長長久久LAST落去~~~~
而我所有家人朋友個個都要身體健康、快快樂樂!!!!!!