MUA TRIAL後記(公開版)~~~~

這篇後記決定公開不私有化
希望幫到D未搵MUA既JM~
因為我絕對明白那種試妝前的忐忑不安~!!!

得到BLOGGER既幫助
加上親身經驗
搵MUA有以下結論：

1、要快。真係要快!!!撇除BUDGET問題大部分JM都係搵D出名既MUA，而全香港同你同一日大日子既JM何其多。你的心水MUA就係人地心水MUA~所以必須要快!!以我經驗，我好好彩~~我今年1月已預備(2年前呢!!)，所有我想搵既MUA都有我期(除左個D早得滯唔BOOK得個D)~~~我真係可以揀!!而唔係冇得我揀!!呢種感覺我相信對大家黎講都好重要!!!所以記住早D預備~~約左先算!!!

2、盡量把心儀的MUA TRIAL日期排在一星期內~~呢點係blogger florence教我架!!極有用!!!!!因為試妝日期近，印象深刻，先有得比較；而且番轉頭搵番之前的mua機會也大d，唔會咁快俾人book左!!!也由於呢個原因，2月時我有得試maychong我冇試~因為得佢一個咁早~~之後我把rainbow、sandywong、sharon同gingko排在同一星期~~~~~咁都就到~~連我都覺得好好彩!!!(最後我只試左sharon同gingko)

3、都係blogger教我既~~把最愛最有機會的(或最貴試妝費的)留最後，冇得refund trial fee既在最前~~因為咁你試第一個時唔駛心急想refund個試妝費而迫自己決定~所以我把rainbow排最前(因為冇得refund)，gingko排最後(最鍾意而trial fee亦最貴$880)~~

4、約左mua之後要反覆睇佢地既作品~你睇睇下就會發現有d mua既作品只係一般，未必係你想要既野~相反個d你睇黎睇去都覺得係咁靚既mua作品就會係你杯茶~~咁你就可以cancel個d一般既mua trial~~(所以話早預備係好重要!!!)我前後有好多個choice：maychong、rainbow、sandy wong、sharon、gingko、kiko、joeyuan、adayip~~
joeyuan同adayip只係pencil mark左因為太早佢地未有得trial~不過我睇得越多感覺越平淡，所以就唔等佢地；sandy wong同kiko都係，book完但自己cancel~~至於rainbow係無緣~~

5、一定最少要試兩個。我直情覺得係MUST!!!真係要有比較!!大家FULL MAKEUP既機會唔多~第一個正常一定令你靚左，但唔一定係最靚!!試兩個起碼知道邊一個好d~~而且可以從第一個身上明白差d乜令你唔揀佢，然後請第二個幫你改善~!!咁樣你了解自己多d，mua又了解你多d~~~~winwin啊~~~~sharon就係好好的例子了~我到而家都覺得自己揀sharon試先揀得好~~可能佢有化開MODEL名星，所以佢好pro俾左好多有用意見我~~

6、唔好太介意個試妝費有冇得refund。我明白幾百蚊一個試妝費絕對係唔平，不過mua呢一環影響既唔上止一晚，係一世，也是一切!!!你才是主角!!(之前個個都咁同我講， 所以我同番大家講!!!)唔試唔知邊個夾你，邊個頭岩你，一個mua最多試3-4個頭，但呢3、4個頭未必你全部鍾意。到下一次佢幫你set頭已經係bd!!!試妝除左係揀mua之外，亦都係試髮型!!!縱使你最後唔係揀個個mua，但佢可能幫你set既髮型係good既~~咁就可以當reference~我試sharon就係了~佢令我知自己可以梳all back，以及我所有優缺點，到第二日試gingko時就更順利~~~sharon個$600我覺得絕對值得俾!!!

7、信任mua的專業。我唔係為自己懶搵藉口(我冇乜搵reference)，而係mua才了解你的面部輪廓的優劣~~自己搵reference重要，但目的只係俾mua知道你喜好~~要同MUA溝通，聽佢意見。因為你係客人，你話想要SET個個頭佢未必敢拒絕你架，但又未必係最適合你既~~所以一定要溝通同信任~~咁樣先可以幫你整到最適合你既造型!!!!

8、千祈唔好試妝前剪頭髮!!!(我試前3日懶醒走左去剪!!!!)越長越好!!!!!!!d陰都係!!!因為易set頭!!!!同埋唔好剪碎~~因為會好多短毛(頭髮)飛黎飛去~~~記住呀各位!!!!!!!!!(我d頭髮都去到背中架喇都唔夠長!!!)

9、最後一點!!新加的!!就係帶部CANON機去影低TRIAL既相!!聽BLOGGER話大部分PHOTOGRAPHER都係用CANON機既，所以若果試妝時可以用CANON機影低咁就可以預計到大家BIGDAY時樣貌過鏡個樣~咁就知道會否過濃定過淡~!!不過無論係咪關事都好，用部單反影低既相點都靚D~~自己睇番都開心D!!!!我都係借左好朋友部550D去影呀~~

試妝後記公開版大致係咁多~~
希望幫到大家啦~~~~~~~~~