MUA TRIAL後記 (朋友版)

朋友版想寫番D私人D既野~
譬如係有關兩位MUA既觀感
以及兩位MUA給我的意見。

其實我覺得自己好幸運
因為我試既兩位MUA都俾我好多得著
完全冇令我有hard feeling
而且令我更了解自己
非常滿意!!!

如果要將sharon同gingko比較
其實兩位都好健談好nice
兩位性格上對我黎講都冇問題
不過sharon比較成熟
gingko就同我同年紀
傾起計會比較投契
基本上試妝時話題不斷
笑聲此起彼落~~~~
而sharon就係似照顧後輩多d~~

在gingko試妝最初
我都有諗過會唔會搵sharon 在bd take care自己好d
因為sharon較成熟穩重
而gingko俾我感覺好young~~
不過在試完眼妝我已經知道 gingko雖然感覺young
但做事都好細心同好認真
所以我都冇左呢個憂慮~~~

其實我在前往搵gingko試妝時我已經同b講
我都好大機會係搵gingko
因為gingko有好多客觀優勢

1、sharon試妝當日太忙。有d趕。所以有d細節位未顧及到，譬如眉位~~而因為trial只試左兩妝兩頭，而兩頭變化不是太大~~而我未去前已知道gingko唔止試兩頭，加上佢問我拎咁多喜好資料，如果冇心水hairdo仲叫我上去睇雜誌再揀~證明gingko預左好多時間俾我~~慢慢了解我需要先開始，咁除非gingko真係好差，否則好難唔揀佢~~

2、sharon沒有full day package。她會朝早黎兩個鐘，中間一個鐘，然後4點半直到夜晚。而我一心一意係想要full day package (我明知仍然搵sharon試妝係因為我真係好鍾意sharon既set 頭，好想一試)，而gingko既full day package 係16小時!!朝7晚11~~~就算我要早上俾taxi錢~~gingko住荃灣我在汀九出門費用實在有限~~~所以對我而言在客觀條件上gingko已經有優勢~~

接下來當然係化妝同set頭技巧問題~~

HAIRDO方面：
SHARON同GINGKO各有優勢
兩個都俾到我驚喜~~
不過SHARON同我試個兩個髮型太接近
而GINGKO試既髮型變化較多
而我最終揀GINGKO係在於兩位MUA既心態上
我喜歡簡單既頭
呢個係事實
不過我都希望有變化(我係典型雙子人!!)
SHARON 好protect我
認為less is more
所以不想太花巧(我絕對冇怪sharon，佢兩個頭我都好鍾意)
保留她認為我有的氣質~~
gingko則想試敢試
總覺得一定要我試左先知自己適唔適合
而出黎效果又出奇地好~!!!
成個試妝過程真係好開心~~~
因為每一part都好有驚喜~~~!!

至於化妝方面
底妝我唔識分
兩個都ok我諗
但眼妝同眉就分出左喇~~
因為即使係想要唔濃既妝
都唔會想bd冇左對眼架嘛
(大眼的jm就唔會有呢個問題!!)
所以眼妝方面對我而言sharon清得滯
而gingko則令我雙眼至少有神
加上修眉一part 好impressive
(佢唔講我都唔知自己會戚眉)
所以最後揀左gingko~~~~~~~~

最後係俾我既意見方面：
sharon同gingko分別都俾左好多意見我
而可能真係因為同gingko同年紀
喜好接近
所以gingko給予的意見我覺得較適合我~

1、褂頭。在sharon到冇試過褂頭架~~佢知我怕我個樣大過李生所以佢suggest我不要梳低髻要set中高髻，咁樣會後生d~~我認同架!!!到gingko喇，心水清既blogger都知gingko都冇幫我set褂頭~~原因係佢都未諗到點樣既一個褂頭適合我~~佢覺得我額頭頭髮梳後係最好睇，但有機會會成熟左~而佢覺得即使set中高髻都難免會老左(因為假設左我梳all back)，所以佢要幫我tailor-made一個褂頭~~而可能係用鬢辮整既~~~~我聽到都興奮!!哈哈!!

2、有關EG顏色~兩位mua都知我唔鍾意太鮮色~在敬酒EG colour到其實我唔堅持著紅色，尤其係鮮紅，因為一定會著到好成熟~~SHARON於是suggest我著桃紅，話覺得襯我膚色；而gingko俾既suggestion係粉橙~~如果一定要二揀一，我會揀粉橙，因為我既theme colour係tiffany blue~~撞桃紅太勁了!!

3、頭髮方面。兩位都suggest我染髮。而sharon就覺得頭髮太多太長，而gingko就鍾意我多頭髮仲要我留長~~~係我好難少頭髮既情況下，gingko既意見實在太好!!!!

4、頭飾。鮮花定髮飾我冇所謂。但一係要清一係要型。我好極端。sharon到除了大家睇到既花花頭飾(ok架呢個我覺得!)，其實仲有另一個粉紅色sharon自己整既頭飾。我冇post出黎係因為我覺得唔好睇~我覺得個頭飾係破壞左sharon幫我set既頭~~!!但sharon係覺得個頭飾靚既!!其實個頭飾唔係唔靚，重點係佢係粉紅色，呢隻係我咁多年黎極少擺在身上既顏色!!!至於gingko，佢用既頭飾有目共睹，好清雅，我喜歡的白綠色~~所以在頭飾喜好上我都係prefer gingko~

sharon係第一個令我知道自己在造型上所有優缺點既人
亦係第一個俾到我呢方面信心既人~
我好感謝佢~~
雖然最後我冇揀佢
但其實佢真係好好~
我第二日reply佢時仲寫左封email多謝佢~~
可見佢真係好好
只係人夾人gingko跟我更投契而已!!!

而gingko就更唔駛講
非常細心、敢創新
我好多謝佢令我有咁多我冇想像過既造型
同埋在weddingday細節上都替我著想
第一樣佢勁緊張既就係知道我8月去峇里影prewedding
佢第一個concern就係叫我要不斷塗防曬
仲話我知neutrogena同另一隻牌子(我唔記得!!)有噴既
影prewedding方便d!!
仲叫我千祈唔好揀有吊帶既wg/eg
如果唔係曬到有印bigday想唔搵番吊帶款都唔得!!!!
另外由於gingko本身係model
佢知道好多扮靚同美容知識(可能大家都知呢d知識但對我而言好新奇好有用!!)
譬如colour con咁
大家都知大眼仔係會令大家影相靚d
但其實唔同牌子既效果都好唔同
我買既係one day acuvue
好薄算好戴但效果其實一般架咋原來!!
d model出重要show時其實都係戴fresh look既大眼仔
因為會令你對眼超大
不過質地硬d厚d
gingko仲話如果真係揀freshlook最好bd前一個月日日戴俾對眼練習下
如果唔係bd當日不斷標眼水就大件事了~~~~~~


最後喇
有一個特別地方就係試妝當日我當然多謝gingko啦
因為佢令我試得好開心
點知gingko多謝番我
話佢既客人少有all back頭
我令佢可以不斷試set唔同既髮型
佢都試得好開心~!!哈哈!!
我諗呢d真係人夾人緣~~
同gingko既3個幾鐘頭試妝真係笑聲不斷~~!!
相信bigday當日我都會好開心!!!

gingko有一句說話令我好深刻
我覺得好適合各位揀左mua既jm~
佢話：
如果你試妝呢刻已經滿意我既手勢
那bigday當日你一定滿意
因為年半後既手勢一定會差好遠進步好多~~~!!

所以大家揀左mua既都可以放心~~
因為佢地都係帶住進步既技術來打造你bd造型的~~!!!!


終於都寫完呢篇試妝後感喇~~
一身鬆哂!!!!