好想紀錄自己因為籌備婚禮而做出種種「改變」!!
冇錯~係改變!!
由細到大
我都冇乜打理自己既皮膚
加上細個打波唔錫身
日曨雨淋又左整親右整親
全身可謂冇處好肉!!
護膚品唔係冇賣
但係僅限於爽膚水同面霜
中間既精華素、眼精華、眼霜乜鬼都冇!!
有買MASK架
但係幾個月先敷一次
(而家一路打都覺得自己真係唔係一個女仔‥‥)
到出黎做野開始做FACIAL
不過都係個幾兩個月甚至幾個月先做一次
以前真係唔覺得係乜野問題!!
哈哈
報應來了
而家就樣樣野都睇唔順眼
所以開展了臨急抱佛腳既補救之旅!!
好明顯
我唔係打算同各位分享我的心得
因為我根本就冇乜心得我可言
我只係想紀錄下自己盲中中的「急救」過程
以及多謝各位朋友仔的指點~~~~!!
呢幾日
我一直係度諗
我真係枉為女仔廿幾年‥‥‥
唉
有得救既 ~~ 唔駛擔心 !!不過我自己都好懶搽野架 ~~
回覆刪除[版主回覆04/01/2011 08:27:00]好過乜都唔做咁啦‥‥不過呢幾個月d朋友話覺得我d皮膚好左(少少)~~所以都算係有d進步!! 仲有漫漫長路啊~~~~~~~
我覺得你d皮膚幾好喎, 無咩保養都咁好, 天生麗質~~ 其實好多人同你一樣咁hea ga, 包括我, 我到而家都無做facial既習慣, 只係分別試做過3次乍. 你仲有大把時間"急救"la, 保養最最最重要係"勤力"!!
回覆刪除[版主回覆04/01/2011 14:01:00]佳‥‥好鬼咩‥‥毛孔粗大眼紋黑眼圈暗瘡印T字位油其他位乾膚色暗啞‥‥‥!!!!你先至係皮膚好‥‥!!!唉!!!不過我都深信勤力可以盡下人事改善改善，唯有利用呢年半盡量加把勁!!!