珍珠鍊for prewedding

無啦啦
真係無啦啦
今日下午番完屋企陪爸媽耍樂後
同b在吉之島閒逛入貨
突然心血來潮諗起blogger mcwin在吉之島買左條靚靚珍珠鍊
諗起自己遲d影相都要一條架啦
所以就走入去睇下
最終
當然買左喇!!!
我真係覺得買黎玩都抵!!!



個姨姨話呢條係日本珠
(我當然知道呢條日本珠係假珍珠)
話琴日仲賣緊$9xx
今日吉之島雙重雙惠
先有super折頭
特價$388
仲送多對珍珠耳環!!!
哈哈!!
姑勿論個姨姨講既係真定假
三百幾蚊有鍊有耳環好抵!!

鍊分16"同18"
我試過上頸
揀左16"
覺得靚d!!
不過因為唔知著wg效果
個姨姨仲俾我一年內換番18"同款頸鍊
冇錯!!係一年內!!仲寫左係單添!!!
我覺得實在太抵玩
於是唔駛十分鐘就買左喇~~~~
本來想買多隻珍珠介指
但睇唔岩!~~~~~
不過冇所謂啦
條鍊同耳環已經係今日既意外收穫!!!


其實由始至終
真係由始至終
我都係鍾意珍珠多過鑽石
不過
大家都話鑽石保值
真珍珠保唔到值又易黃又易花
所以
我呢d粗魯人都係買假野玩下算lu!!!