我的嫁妝‥‥

不要誤會‥
我打呢篇blog既時候係一件嫁妝都未有架
我會打呢個topic
係因為阿姨今日突如其來SEND左一對龍鳳鈪既相俾我而引發既。


我知好多新娘子都好重視嫁妝呢一環
而我
其實真係冇乜所謂
係珍珠都冇咁真‥‥


我唔係要扮清高扮冇所謂
婚禮上既項目我都冇慳過
應該話由細到大洗錢我都冇慳過
但我洗既係自己錢
所以我唔會有內疚感

但而家講緊係既用屋企人錢
我唔想!!!!
自己屋企同阿B屋企都唔係大富大貴
D金咁貴買左戴一日然後都係放入保險箱
而且親人送既我咁念舊係一定唔會賣既
即係都係留番俾仔女‥‥
好浪費呀‥‥

而我地晚宴請既都係摰愛親朋
我相信佢地唔會因為我帶多對鈪帶少條錬而對我地改觀
所以
有同冇
多與少
又有乜所謂‥‥

所以我一開始就叫我媽有錢就買冇錢就唔好買
我自己出去租都得
總之我唔會夾硬要
唔會要大家辛苦‥
我真係冇所謂!!!



不過
原來呢個只係我地兩個後生既諗法。



首先
係爸爸。
爸爸其實已經退左休
但因為悶又想繼續有自力更生既感覺(事實上其實佢真係唔太老)
所以又跟左朋友去番工
又係體力勞動辛苦工
其實我唔想佢做
我地三姊弟都出哂身佢地根本就唔駛咁辛苦
但媽媽話爸爸有野做開心D
所以我先冇阻止‥‥

一次媽媽同我講爸爸話做下野可以儲多D錢買金俾我‥
唉
我一聽就已經眼濕濕‥‥

到媽媽‥‥
媽媽全部身家有幾多我由細到大都知
佢根本就用哂係全頭家身上
好難有多餘錢
就算有都唔多
更何況我仲有兩個細佬
所以我先同媽媽講冇錢就唔好買金
我唔覺得我媽唔買金俾我就等如唔錫我
如果我係女我咁諗我媽媽就真係荒天下之大謬!!!

不過由我知我媽打算打劫我兩個細佬個六千蚊話用黎買金俾我
我就知媽媽係點都會買‥‥


之後一次我同佢地兩老行過六福
媽係咁話有D鈪薄YIKYIK唔好睇
我話有乜所謂!!求其就得!!

之後我爸夠膽死指住對勁粗既話買個對!!!
我媽即話成十萬你邊有錢買!!
我即刻同佢地講你兩個咪傻
如果我要呢對大既不如要兩對細既!!!
而我爸最後真係話咁買兩對‥‥
我其實講下架咋‥‥

我之後同媽媽講
唔該你兩個冷靜d
千祈唔好衝動!!!
要買都等埋我先買‥‥!!
我真係好驚佢地亂黎‥‥!!


我唔係曬‥‥
好多新娘子結婚個日有十幾廿隻鈪
我而家其實係一對都冇
冇野值得曬


我想講既係
爸爸媽媽咁錫我‥‥
其實我真係好感動而且已經好滿足‥‥


點知今日寶姨又嚇親我‥‥
失驚無神send左一對龍鳳鈪既相俾我睇
問我靚唔靚!!
坦白講我完住唔識分因為我根本冇睇過
我只係覺得勁驚(阿b係我隔離佢可以證明我完住係冇開心感覺!!!!)
我勁驚佢買左俾我!!!!!!
好彩佢係去睇下款先咋‥‥

其實我真係受唔起喇‥‥
寶姨已經照顧左我好多年
讀書時一直都幫我
我在佢到住時又唔駛我俾家用
我真係欠佢好多好多喇!!!
之前寶姨同我講話將婆婆留俾佢既鈪俾我
對我而言已經係最好最好既禮物
點知寶姨仲諗住買鈪俾我‥‥
我好驚呀‥‥我真係受唔起呀‥

開頭諗住就算買寶姨佢地都係幾個阿姨夾埋買一對俾我
如果而家寶姨自己買‥‥
其他阿姨又買‥‥
嗚嗚‥‥
點算呀‥‥
我真係無以為報呀‥‥‥‥


媽媽仲話剛剛番大陸姑姐阿叔佢地都有提買金‥‥
最後即使有冇都好‥‥
其實我覺得已經好足夠
心意比一切重要!!!

所以我係冇問過奶奶個邊
一樣有就有冇就冇
呢d唔係必然架嘛
我何德何能要奶奶老爺用咁多錢在我身上‥!!
奶奶之前仲主動話負責禮金
我地都唔敢要多
打算要少少自己再出就算
所以金呢樣野有定冇
我真的不強求了!!!!



好多人都話個新娘收得多金就叫嫁得風光
可能啦‥‥
不過對我而言
我有個真係最愛我而我又最愛佢既男人同我結婚
而且仲有咁多真心愛我地錫我地既屋企人同朋友黎見證我地呢重要一刻
我覺得已經係最風光!!
哈哈!!!!
因為我知
一切都並非必然架!!!!



同埋我想講
其實我開始有d後悔要擺酒呀‥‥
雖然係可以令屋企人開心d親朋好友聚首一堂熱鬧d令自己有一個難忘既回憶
但係其實諗深一層
亦都令屋企人既負擔大左‥‥
我忽略左
其實佢地都會有壓力‥‥


不過亦都冇辦法喇
都已經開始左番唔到轉頭
我唯有日後用心好好報答佢地每一位啦‥‥‥


我由細到大一直都知
我係好幸福的!!
我真係好愛每一位疼我愛我的人!!!!!!!

我一定會好好好好珍惜!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
I LOVE U ALL!!!!!!!!!!!!!!!!!!!!!!!!!!!!!