15/10 香港prewedding~(上)

琴日終於影左第二輯prewedding
雖然係團購
心態亦都以玩樂性質
但係我都有做準備架~~
前晚修左甲
敷左個shu uemura既mask(我真係覺得個mask好正!!)
乜都唔執12:00訓左~

星期六我七點九起身
又敷多個mask
之後就執野：阿闊多黛、泡泡、防曬、蚊怕水、高跟鞋、飾物、花球、披肩‥‥
total兩個旅行袋!!!

我地先去葵涌食野~然後就搵盧小姐拎汽球!!
佢用三個黑色大垃圾袋裝16個汽球
所以我地拎既時候都幾狼狽
好彩行左陣搵到的士去距離唔太遠既wedding buddy workshop!!
11:55我地已經去到!!!

不過因為發生左d事成一點先開始化妝,‥‥
影響左dd心情
不過後尾我都已經冇事~~~
(係angel幫我化妝
choco幫我set頭的
而victor係我地既攝影師!!)
最後都係三點先出發
亦因為咁
我地放棄左大潭
直去我最想影既石澳!!!

好彩天公造美
去到石澳大約三點九
仲有太陽!!!!
不過亦因為咁
我對眼好唔舒服(好乾!!)
所以要狂滴眼水!!!

坦白講
我對所有野都好滿意剩係對自己個樣唔滿意
少部分係我覺得angel可以再重手d
大部分係我自己既問題‥‥
所以冇得怨!!

不過好彩VICTOR影既style都係我地想影既相
不用大頭
feeling sweetsweet就可以!!!
今朝咁辛苦拎既balloon真係好值得!!!!
好鬼靚!!!!!見到都開心!!!

呢張係已經影完番屋企我捨得d汽球再同佢地影張相!!
佢地已經細左好多但都好大個!!
我地買左16個我想用哂架但victor話唔駛所以只係用左10個‥‥
雖然已經好靚但都係覺得有d唔抵!!=p


你地睇下
d汽球真係好靚架!!(所有相都係angel用佢部電話幫我地影再whatsapp俾番我地架!!
全部都係花絮!!有d甚至連victor部機都冇架!!!!至於d effect就係自己用美圖秀秀整既!!!=p)

我地係呢幅牆都影左幾耐
無懼車來車往!!!
因為d波波係呢度好sharp!!!!
我地仲係度為左一個shot而跑左好多次添!!哈哈!!
唔知d相點
不過個experience好得意!!!

影呢幅黃色牆係我request架!!個陣走架要去赤柱但我要求所以有得影!!!!
victor叫阿b踎然後叫我去攪下佢!!!於是我就搣佢耳仔同狂整佢塊面!!!!
哈哈!!你睇佢一d都唔痛!!!!!!

係石澳影個段真係好開心!!因為d汽球勁靚!!我望到都心情勁好!!!
而阿b套衫好鬼襯d汽球啊!!!夜晚阿b睇playback時都話石澳個d好colourful好靚!!
yeah!!還我心願!!!!!!

而且呢輯相試左我去bali時冇試過既野~~

1、lace魚尾啦~~條裙真係好靚!!(如果你地覺得唔靚應該係model問題唔關條裙事!!!)
     加$600都係值得既!!
2、勁誇既頭飾啦!!以我咁鍾意簡單bigday要誇係impossible~choco set 完牛屎頭我仲問係咪可以唔加頭飾!!!
   不過choco話清得滯要加而我今次唔知點解覺得冇所謂~~~不過出黎效果都算ok啦!!
3、夜景~~在峇里係零夜景!!今次影番夠本!!!!雖然明知夜景好難影得靚~~不過希望有一兩張見得下人就心滿意足了!!!!

4、同b玩低b仔野!!!!好多動作係victor叫我地做~不過有d係我地自己興起做~~
    要數最攪笑都係選赤柱~~究竟係乜﹖要待續啊!!!!!=)